Museum Pos Telegrap Telepon Dugi ka Museum Pos Indoneisa – Wasunda

Foto: Disbudpar Kota Bandung

Di jaman ayeuna, kuring hoyong ngirim surat ka kulawargi di luar negeri gampang. Aya whatsapp, line, atawa média lainna kanggo ngajangkau éta. Sagala gé ku internet ayeuna mah, hoyong ngintun artos tinggal nganggo ATM, jeung sajabana. Pami baheula mah teu kitu, hoyong seseratan téh kedah liwat Pos. dugi na gé biasana samingguan nembé kuring tiasa maca serat éta.

Museum Pos Indonésia tos aya ti taun 1933, Museum pos Indonésia mangrupakeun hasil rancangan dua arsiték nyaéta J. Berger sareng Leutdsgebouwdienst. Sateuacanna museum ieu disebat Pos Telegrap dan Telepon (PTT). Mung di taun 1983, Museum Pos Telegrap dan Telepon digentos namina janten Museum Pos dan Giro, museum ieu gé resmi diambil alih ku Perum Pos dan Giro. Teu dugi didinya, panamian museum berubah deui di taun 1955 jadi Museum Pos Indonésia.

Museum Pos Indonésia mangrupakeun hiji museum nu nampilkeun rébuan koléksi prangko di unggal nagara di dunia. Ditempatkeun di aréa nu sami sareng Gedun Saté, Museum ieu jadi gambaran kumaha populérna kagiatan surat menyurat di jaman éta.

Sateuacan lebet ka aréa museum, pangunjung bakal langsung ninggal gambar hiji prangko mimiti Hindia Belanda nu terbit dina kaping 1 April tahun 1864. Prangko nu dicétak dina ukuran ageung ieu dipajamh di aréa payuneun museum. Pas lebet ka rohangan museum, bakal aya koléksi prangko sarta diorama nu nunjukkeun kagiatan pos keliling désa di éra tahun 80 dugi 90-an.

Salian tiasa ninggal koléksi prangko, aya seueur koleksi wanda-wanda pos ti mangsa ka mangsa sapertos acuk dines (saragam pos), timbangan surat dugi sapéda nu di jaman kapungkur mah dianggo janten transportasi pak pos (postman). Sadaya wanda pos nu dipamérkeun mangrupa koléksi ti paninggalan jaman colonial dugi taun 2000an. Teu ngan saukur éta wungkul, pangunjung ogé toasa mendakan surat-surat nu tos kolot leuwih ti ratusan taun. Surat éta seueurna mangrupakeun surat berharga ti sababaraha Raja Nusantara nu ditujukeun ka Gubernur Jenderal Inggris, Thomas Stamford Bingley Raffles.

Museum ieu janten salah sahiji déstinasi wisata nu wajib didongkapan, khususna kanggo para filatéli. Aya di Jalan Cilaki no. 51 Bandung, buka unggal dinten tabuh 09:00 dugi ka 16:00 anjeun tiasa ngajak rencangan sareng kulawargi kanggo ngenal wanda-wanda pos nu bersejarah di Museum Pos Indonesia.