Zulham Zamrun Bagéa ku Kalahiran Putrana! – Wasunda

Foto: situs Resmi Persib Bandung/ Dokumen Pribadi

Zulham Malik Zamrun, striker Persib ieu nuju bagéa tur bungah margi tos dikaruniaan hiji Putra.

Istri pamaén nomor 17 ieu tos ngalahirkeun putra di Ternate dinten Kemis, 9 Juli 2020. Sanaos masih ngarahasiakeun name kanggo putrana. Dumasar ti situs resmi Persib Bandung. Putra ti punggawa Maung Bandung ieu dilandian Ronaldo Zamrun. Meureun Zulham hoyong ngajadikeun putrana the next Cristiano ROnaldo di Indonesia.

“Nami sadidintenna, Ronaldo Zamrun,” saur punggawa Persib nu ngiring nganterkeun Maung Bandung ngarebut trofi Piala Presiden 2015 nu tos dikutip sareng disunting kana basa Sunda ti situs resmi Persib Bandung (12/7/2020).

Nami éta teu leupas ti sosok bintang pamaén bola ti Portugal nu diidolakeun Zulham salila ieu, nyaéta Cristiano Ronaldo. Name éta ogé janten du’a kangge sang putra supados putrana toasa neruskeun jejakna janten pamén bola nu suksés.

Anjeunna gé miharep putrana janten putra nu soléh, bakti ka indung-bapa. Ogé miharep janten pamaén bola jiga Zulham, malahan mah tioasa leuwih jago ti anjeunna.

“Harepanna putra abdi tiasa janten putra nu soléh, bakti ka indung-bapa. Sareng jelas harepan nu paling penting nyaéta ngawarisan bakat nu aya di abdi. Janten pamaén nu bisa ngaleuwihan abdi. Amiin,” saur Zulham