Waspada Kadurukan di Usum Panas – Wasunda

Foto: Humas Kota Bandung

Jelang usum panas, Dinas Kebakaran dan Penanggulangan Bencana (Diskar PB) Kota Bandung ngingetkeun warga kanggo hati-hati ogé waspada dina bahaya kadurukan. Ku kituna, warga diingetan kanggo leuwih waspada sareng mariksa kalistrikan di bumina.

Dumasar ti situs resmi Humas Kota Bandung. Kepala Diskar PB Kota Bandung, Dadang Iriana dina acara Bandung Menjawab nu diayakeun ku Humas Kota Bandung di Balai Kota Bandung, Kemis 16 Juli 2020. Anjeunna ngingetan ka masyarakat kanggo waspada ogé saling ngingetan kanggo nyegah ayana kadurukan di Kota Bandung.

“Masyarakat kedah tetep waspada sareng saling ngingetan kanggo nyegah ayana kadurukan,” saur Dadang Iriana nu dikutip ogé disunting kana basa Sunda tina situs resmi Humas Kota Bandung (17/7/2020).

Di tahun 2019, Dadang nyarios yén aya kasus 272 kasus kadurukan di tahun éta. Jumlah éta kaitung masih ageung. Di tahun 2020 dugi ka sasih Juli 2020, kacatet aya 89 kasus kadurukan di Kota Bandung. Dina kadurukan nu aya di tahun 2019, kacatet asét sanilai Rp.822 miliar kasalametkeun, di tahun 2020, asset nu kasalametkeun dugi ka Rp.92 miliar. Nu hartosna, dugi ka sasih ieu aya panurunan kasus kadurukan di Kota Bandung.

Sanaos nurun, Dadang nyungkeun yén waspada ieu téh teras dijaga ku warga. Ku kituna, pihakna masih terus ngagelar penyuluhan ngeunaan bahaya bencana kadurukan. Panyuluhan ieu digelar di tingkat RT, RW, Keluharan dugi Kecamatan.

Di tingkat kaluraham, tos dibentuk Kelurahan siaga. Warga aktif nyosialisasikeun ngeunaan bahaya kadurukan sareng cara nyegahna.

“Liwat Bidang Pencegahan, kami nakal masihkeun penyuluhan-penyuluhan ka masyarakat,” saur Dadang.

Hasilna, tingkat kasadaran masyarakat dugi ayeuna beuki ningkat kana nyegah kadurukan. Dadang nyarios yén kasus kadurukan ieu téh teu tiasa ngan saukur dibebankeun ka Diskar PB Kota Bandung, ogé kasadaran masyarakatna.

“Kasus kadurukan teu mungkin ngan saukur dibebankeun ka Pemkot Bandung khususna Diskar PB Kota Bandung. Tapi perlu peran aktif masyarakat kanggo nyegahna,” saurna.

Ngeunaan sajumlah gedung nu can gaduh system pemadaman kadurukan nu maksumal, Dadang nyarios pihakna rutin mariksa geung, hotel, sareng pasar. Hal éta ogé salah sahiji bagéan ti upaya kanggo nyegah kadurukan.