Wacana Pemkot Bandung Ngeunaan Cék Poin di Perbatasan Kota Bandung – Wasunda

Foto: situs resmi Humas Bandung/ Syahda Musthafa

Hasil évaluasi jeung Gugus Tugas Percepatan Pengendalian Covid-19 (GTPP) provinsi Jawa Barat aya urgensi kanggé ngaberlakukeun cék poin di perbatasan Kota Bandung.

Dumasar ti warta resmi Humas Kota Bandung, cék poin ieu téh kanggé ngajaga sangkan Covid-19 di Kota Bandung tetep kajaga.

“Hasil ti évaluasi pangamatan gugus tugas di lapangan, Pa Sékda (Ema Sumarna) ngusulkeun ka abdi  kanggo ngaberlalukeun deui cék poin. Tangtu abdi kedah koordinasi deui sareng Forkompimda. Mudah-mudahan énjing kami rapat. Pami pendak deyi Fokompinda kami pasti bahas éta,” saur Walikota Bandung, Oded M. Danial nu dikutip sareng disunting kana Basa Sunda ti warta resmi Humas Bandung (10/7/2020).

Kepala Dinas Perhubungan (Dishub) Kota Bandung kantos nyarios di Bandung menjawab di Auditorium Rosada Balai kota Bandung. Anjeunna nyarios yén Kota Bandung téh tos kalebet zona biru, sanaos Bandung Raya sakitar masih zona konéng.

“Urang téh tos zona biru sanaos Bandung Raya sakitar masih zona konéng. Potensi penularan téh leuwih gedé ku tatangga arurang,. Margi pergerakan mobilitas ngagunakeun kandaraan umum boh éta pribadi,” saur Kepala Dinas Perhubungan E.M. Ricky Gustiadi di Bandung Menjawab di Auditorium Rosada Balai Kota Bandung.

Ku kituna, cék poin ieu téh kedah didiskusikeun ogé sareng Forum Lalu Lintas Angkutan Jalan (LLAJ). Forum ieu téh diantawisna aya Pemerintah Kota (Pemkot) Bandung, Pulisi, TNI, sareng stackeholder nu sanésna. Ku kituna rancangan diberlakukeunna cék poin ieu téh tiasa lancar.

“Kanggo téknisna, diperlukeun atawa heunteu, rék kami diskusikeun sareng forum LLAJ. Pami perlu diondang, nya diondang ogé Kota Kabupatén sabeulah, supados ngké palaksanaan ieu éféktif sareng éfisién” saurna

Editor : Iman Setiawan