Unpad Ngayakeun Rapid Test Kanggo Peserta UTBK – Wasunda

Universitas Padjadjaran (Unpad) kerja sama sareng Gugus Tugas Percepatan Penanganan Covid-19 Jawa Barat ngayakeun rapid test Covid-19 kanggo peserta sareng panitia/petugas Ujian Tulis Berbasis Komputer (UTBK) – Seléksi Bersama Masuk Perguruan Tinggi Negeri (SBMPTN) di Unpad Kampus Jatinangor.

Pamariksaan éta dilakukeun ka 184 jalmi nu dipilih acak. Ti jumlah éta, mung aya lima peserta rapid test nu direkomendasikeun kanggo ngalakukeun tés leuwih lajeng, nu sanésna dinyatakeun nonreaktif. Hasil rapid test ieu téh dilaksanakeun mangrupakeun upaya preventif nu dilaksanakeun Unpad kanggo neken sebaran Covid-19 liwat Aplikasi Mawas Diri (AMARI).

Dumasar ti situs resmi Pemprov Jabar. Kepala Kantor Komunikasi Publik Unpad, Dandi Supriadi ngajelaskeun, aplikasi éta téh ngadamel peserta atanapi panitia nu gaduh gejala teu damang teras kadétéksi sateuacan lebet ka lingkungan kampus.

“Éta sababna jumlah peserta tés nu dinyatakeun kedah tés lanjutan sakedik pisan,” saur Dandi nu dikutip sareng disunting kana basa Sunda ti situs resmi Pemprov Jabar (13/7/2020).

Ketua Satgas Covid-19 Unpad, Dr. med. Setiawan, dr. AIFM., negaskeun, Unpad tos nyungkeun nu kénging rekoméndasi leuwih lajeng teh kedah gera-gera isolasi diri sareng ngajaga kaséhatan.

“Ku kituna, Unpad tos nyungkeun arenjeunna kanggo gera-gera isolasi mandiri, sareng ngajagi protokol kaséhatam sapertos ngagunakeun masker sareng rajin ngumbah panangan,” jelas Setiawan.