Unpad Ngagelar SMUP Sacara Daring – Wasunda

Foto: unpad.ac.id/Dadan Triawan

Diréktur Jenderal Pendidikan Tinggi (Dirjén Dikti) Kamentrian Pendidikan sareng Kabudayaan RI Prof. Ir. Nizam, PhD, ngiring mantau palaksanaan ujian daring Seleksi Masuk Universitas Padjadjaran (SMUP) Program Sarjana Jalur Mandiri Unpad dinten Sabtu kaping 8 Agustus 2020.

Diaping ku Réktor Unpad Prof. Rina Indiastuti sarta sajumlah pingpinan di lingkungan Unpad, Prof. Nizam mantau rohangan monitorin ujian SMUP di Lab Komputer Gedung Pusat Pelayanan Basic Science (PPBS) Unpad Kampus Jatinangor.

Palaksanaan ujian ieu digelar sacara daring nganggo sistem Computer Assisted Test (CAT).

Panitia ujian tiasa ningal langsung aktifitas pamilon liwat konéksi ku webcam, nu jadina ujian daring ieu tiasa diparios gerakan pamilonna. Unpad ogé nugaskeun sajumlah pangawas kanggo mantau palaksanaan ujian.

“Tadi kam ninggal kumaha palaksanaan ujian Jalur Mandiri di Unpad nu sistem onlén-na tos saé, kaawasi pisan, ogé ngamudahkeun calon mahasiswa kanggo ngirin ujian di bumi,” saur Dirjén Dikti dina siaran pérs Unpad (9/8/2020).

Prof. Nizam nganilai yén ujian daring ieu jadi pilihan nu pas kanggo prosés seléksi mahasiswa anyar utamina di mangsa pandemic Covid-19. Sanaos kitu, métode ieu angger jadi PR kanggo para pamangku kapentingan.

Aksés internet di unggal pelosok ogé kedah tiasa kacumponan, nu jadina ngamudahkeun para pelajar ti daérah kanggo bisa ngiring ujian ogé kénging kasempetan badag kanggo bisa ngalanjutkeun studi di perguruan tinggi.

Prof Nizam gé masihkeun dukungan kanggi peserta ujian daring Jalur Mandiri Unpad supados tiasa ngaréngsekeun ujianna supados hadé.

“Wilujeng diajar jeung suksés,” saurna.

Ujian daring nu digelar salami sadinten ieu kabagi jadi 4 sési. Waktu palaksanaan ujian unggal sési digelar salami 2 jam. Hiji sési diiluan ku kirang langkung 4.000 pamilon. Sacara téknis, kanggo ngiring ujian daring, pamilon kedah nganggo perangkat laptop ku webcam nu aya fungsina. Pamilon ieu diwajibkeun ngahurungkeun nalika ujian dilaksanakeun.

Pangumuman Jalur Mandiri bakal dibuka di kaping 23 Agustus 2020. Wakil Rektor Bidang Akademik dan Kemahasiswaan Unpad Prof. Arief Sjamsulaksan miharep ujian daring ieu tiasa ngajaring putra-putri terbaik kanggo tiasa kuliah di Unpad.

“Kuring miharep ujian ieu tiasa ngahasilkeun lulusan nu hadé ogé pami inputna saé,” saurna.