Underatted, 5 Petani Lebet ka Nominasi AMI Awards! – Wasunda

Foto: Instagram @amiawards

Wasunda, Trénd – Saha sih wadya balad WaSunda nu teu terang AMI Awards? Leres, gelaran taunan Anugerah Musik Indonésia jadi salah sahiji gelaran nu diantosan pisan ku insan musik Indonésia. Teu sakedik para musisi hoyong pisan mikénging kadeudeuh ti AMI Awards.

Kabar nu pikareuwaseun datang ti band instruméntal jazz asal Bandung, 5 Petani nu lebet katégori “Karya Produksi Instuméntalia Terbaik” di AMI Awards nu ka-23. Pasalna, teu seueur balad nu terang 5 Petani ieu.

5 Petani nu tos ngaluarkeun album “Sawah Impian” di taun 2017 ieu saleresna tos seueur pisan tampil di sababaraha gelaran jazz nu kasohor. Salah sahijina pernah tampil di gelaran festival jazz kasohor “Java Jazz”.

Personél 5 Petani ieu téh diantawisna aya Frank Navayo Pattinasarany (gitar),  Fauzan Rijal (bass), Yoga Wardana Kusumah (gitar akustik), Gerson Valdo Siahaan (keyboard), dan Arbi (drum) sareng pamaén tambihan Rezki Delian (Perkusi), Hilmi (Flute & suling), sarta Yudha Rahadyan (Saxophone). 

5 Petani kawentuk di patengahan taun 2014 di hiji patepungan nalika jamming di kagiatan rutin komunitas “Butterfield Jazz Society” di Kota Bandung.

Lagu “Perjalanan” karya 5 Petani ieu bakal nyaingan 4 nominator nu sanésna, diantawisna:

  • Aksan Sjuman & The Commite Of The Fest – Multiverse
  • Erwin Gutawa – Kala Sang Surya Tenggelam
  • The Bakuucakar – Timur
  • Tohpati – Jatuh Cinta

Sanajan nominator di “Karya Produksi Instruméntalia Terbaik” AMI Awards nu ka-23 kalebet beurat pisan. Komo di nominasi éta aya dua ngaran musisi hébat, Érwin Gutawa sareng Tohpati. Saha atuh wadya balad WaSunda nu teu terang kadua musisi hébat éta? Malahan mah karya aranjeunna tos go international minangka na mah.

Tapi, ku lebetna 5 Petani janten salah sahiji ti lima nominator musisi hébat di Indonésia janten hiji pacumponan nu pastina ngadamel skéna musik di Bandung khususna para musisi 5 Petani ieu reueus tos lebet nominasi di gelaran akbar musik Indonésia. 5 Petani tiasa kasebat band nu underatted, ku sabab namina teu pati dipikawanoh ku masarakat luas. Tapi musik nu dibawakeunana, legit pisan!

Kanggo wadya balad WaSunda nu hoyong ngupingkeun lagu 5 Petani nu judulna Perjalanan ieu mangga tingal waé vidio di handap: