Tukang Jagal Ngadadak Pupus Di luhureun Domba nu Rék Dipeuncit ku Anjeunna – Wasunda

Foto: radartasikmalaya.com

Warga Gunung Dongkol, Kelurahan Setiaratu Kecamatan Cibeureum ku tukang jagal kurban nu ngadadak pupus nalika rék meuncit Domba dinten Juma’ah  kaping 31 Juli 2020 kamari.

Dumasar ti situs radartasikmalaya.com, JajaranPolsék Cibeureum, Polrésta Tasikmalaya ngadugikeun ka masarakat yén teu aya tanda kekerasan ti awak tukang jagal, Épin Sutisna (50 taun), warga Gunung Dongkol, Kelurahan Setiaratu Kecamatan Cibeureum Kota Tasikmalaya. Nu kamari ngadadak pupus nalika rék meuncit Domba.

Ku kituna, AKP Suyitno salaku Kapolsék Cibeureum nyarios yén nalika kénging informasi laporan ngeunaan Épin Sutisna nu ngadadak pupus, anjeunna langsung ngaidéntifikasi di lokasi kajadian. Supados langsung terang naon panyabab pupusna Épin.

“Nalika kénging laporan kakait ayana tukang jagal nu pupus sacara ngadadak di luhureun domba nu bakal dipeuncitna, kami langsung meluncur ka lokasi kajadian,” saur Suyitno, dikutip sareng disunting kana basa Sunda ti situs radartasikmalaya.com (1/8/2020).

Sadugina di lokasi kajadian, jajaran Polsésk Cibeureum langsung ngalakukeun olah TKP, salian tiéta, tim langsung ngumpulkeun katerangan ti para saksi nu aya di TKP kanggo mastikeun panyabab pupusna Épin.

“Sajumlah lokasi kajadian masihkeun katerangan nu sami kakair kronologis kajadian, dimana awak korban sacara ngadadak ambruk teras ninmpa domba nu badé dipeuncitna,” saurna.

Ku kituna pangakuan saksi ti pihak kulawarga anjeunna yén korban téh sateuacanna gaduh panyawat diantawisna darah tinggi sareng gaduh panyawat lambung, malahan mah sateuacan meuncit téh anjeunna berobat heula ka dokter.

“Dumasar katerangan saksi sareng hasil idéntifikasi ka jenazah korban, teu dipendakan ayana tanda tindakan kakerasan, nu jadina bisa disimpulkeun yén kajadian ieu murni musibah sareng takdir,” saurna.

Ku kituna Kapolsék ngingetan yén sanaos ieu kajadian téh mimiti pisan. Komo korban pupus nalika badé meuncit kurban nu aya dipayuneunana. Masarakat kedah hati-hati sareng ngajaga kaséhatan nalika badé aktifitas, pami mémang teu kiat atawa dina kaayan kirang jagjag, langkung saé istirahat waé di bumi supados tiasa kajaga kaséhatanna.

“Ieu nembé mimiti kajadian ieu. Kami ngahimbau supados warga angger hati-hati sareng teras ngajaga kaséhatan nalika ngalakukeun aktifitas,” pungkasna.

Jenazah langsung dimakamkeun di pamakaman umum siang kamari.

Iman Setiawan