Ghozali Everyday Dumadak Jadi Beunghar Sabada Ngajual Photo Sélfie Manéhna di NFT

Foto: (Twitter/@Ghozali_Ghozalu)

Wasunda – Dina sababaraha waktu katukang ieu, aran Ghozali Everyday ngadadak viral lantaran suksés ngajual poto-poto sélfie manéhna sorangan kalayan format NFT nepi ka nyangking beubeunangan miliaran rupiah.

Dina kurun waktu ti taun 2017 nepi ka 2021, Ghozali nyebut yén manéhna sacara konsistén ngaaplod poto sélfie-na unggal poé di OpenSea nu tujuan mimitina ngan heuheureuyan wungkul keur nyieun kumpulan poto dina waktu ka waktu.

OpenSea sorangan mangrupakeun platform Marketplace nu bisa dipaké keur nu ngajual, nu meuli, sarta kréator asét digital pikeun transaksi maké mata uang kripto Ethereum (ETH). Samentara Non-Fungible Token (NFT), mangrupakeun asét digital nu ngan dipiboga ku saurang sarta muat sababaraha barang nu bisa dijual dia wentuk NFT.

Mimitina, sélfie Ghozali dijual dina waragad 0,001 ETH atawa sakitar Rp45 rébu. Namung, harga penjualan panggedéna dina salah ashiji potona ieu ayeuna geus nepi 11 ETH atawa sakitar Rp47 miliar.

Hal ieu tangtuna nyieun Ghozali jadi beunghar dumadakan sarta jadi réa nu nilikan manéhna, utamana di dunya bisnis NFT.

Ghozali nu masih kuliah tingkat ahir di Universitas Dian Nuswantoro (Udinus) jurusan animasi ieu, disebutkeun yén manéhna ogé mangrupakeun mahasiswa nu miboga préstasi, malah mandar kungsi ka ranah internasional ogé.

Manéhna sorangan ogé teu nyangka potona nu mimiti diasupkeun ka OpenSea bisa nyieun kataji koléktor sarta dipromosikeun ogé di komunitas NFT nu nyieun manéhna jadi viral ayeuna.

Sanajan payu nepi ka mangpuluh miliar, total kauntungan nu disangking Ghozali ngan kakara nepi Rp1,5 miliar lantaran tina akumulasi harga jual mimiti jeung persénan royalty di saban transaksina.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *