Gedung Putih Nurunkeun Tim Husus Pikeun Merangan Virus Varian Délta

ANTARA FOTO/Carolyn Kaster/Pool via REUTERS/hp/cfo.

Wasunda – Tanggal 1 Juli 2021 kamari, Gedung Putih nyebutkeun bakal ngirimkeun tim husus ka titik hurung di sakulibek Amérika Serikat pikeun merangan varian Covid-19 Délta nu gancang pisan nularna sarta meredih sakumna warga Amérika Serikat sangkan disuntik vaksin.

Jéffrey Zients salaku panaséhat sénior di Gedung Putih pakait jeung Covid-19 nyebutkeun yén timna siap ngagancangkeun pasokan tés tambahan sarta terapi ka sakumna masarakat nu ngalaman ngaronjatna kasus Covid-19.

Numutkeun Pusat Pencegahan jeung Pengendalian Penyakit AS (CDC), Rozhekke Walensky, kacutat salila saminggu di AS jumlah kasus Covid-19 naék 10 persén ti minggu kamari.

Mimitina varian Délta ieu kadétéksi di India, namung varian anyar ieu gancang pisan sumebarna teu jiga virus Covid-19 nu saacanna.

Zients nyebutkeun personél féderal bakal ngabantuan komunitas ku cara nyadiakeun staf kaséhatan masarakat jeung CDC bakal nyadiakeun bantuan pikeun nyegah poténsi wabah.

Sajauh ieu, Amérika Serikat masih jadi nagara panghareupna nu ngalakukeun vaksinasi Covid-19 sadunya. Kacutat geus leuwih ti 180 juta warga Amérika nu geus narima paling saeutik hiji dosis vaksin.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *