Facebook Bakal Ngahapus Kontén Pelécéhan Séksual ka Publik Figur

Foto: (ANTARA/Reuters/Dado Ruvic).

Wasunda – Anyaran ieu platform nu ahéng sarta ampir sakulibek dunya pada maké, Facebook ngabéwarakeun yén maranéhna bakal ngamimitian ngahapus kontén nu ngarah kana pelécéhan séksual ka figur publik.

Ditilik ti The Verge, léngkah éta dilakukeun Facebook salaku bagéan tina diropéana kawijakan pakait intimidasi jeung pelécéhan.

Engkéna, Facebook bakal ngahapus profil, halaman, grup, atawa acara nanaon nu dijieun pikeun ngajadikeun fibur publik jadi objék séksual.

Kawijakan éta mahing ogé gambar atawa foto nu diédit jadi nuansa séksual nu ngarendahkeun sakum fibur publik.

Salian ti éta, Facebook ogé bakal ngahapus koméntar nu ngajurus ka arah séksual jeung serangan nu dilakukeun sababaraha kali pikeun ngalécéhkeun salah saurang sacara séksual.

Kawijakan éta diberlakukeun sabada mantan karyawan Facebook, Frances Haugen, jadi saksi di hareupeun kongrés di minggu kamari.

Dina sidang éta fokusna kana sababaraha rangkaian laporan Wall Street Journal nu ngungkabkeun yén éksékutif Facebook nyadar platform maranéhna nimbulkeun bahaya pikeun nu makéna, utamana pikeun kaum rumaja.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *