Cikan, Naha Upin jeung Ipin bet Botak?

Foto: (ANTARA FOTO/Rafiuddin Abdul Rahman/ama)

Wasunda – Les’ Copaque Production salaku Rumah Produksi animasi Malaysia ngungkabkeun yén asal muasal tokoh animasih budak leutik kembar nu aranna “Upin & Ipin” nu idéntik jeung sirah euweuh buukan ieu bener-bener ngan carita fiksi, teu kainspirasi ti jalma nu masih hirup atawa nu geus tilar dunya.

Sababaraha waktu saacanna, kungsi aya iber yén Upin jeung Ipin tilar dunya dina kaayaan kacilakaan nalika liburan di Sulawesi. Namung, sacara resmi Rumah Produksi ieu ngabantah ibr éta sarta ngayakinkeun panongton yén animasi ieu bakal luuh dina musim nu anyar teu lila deui.

Ngaliwatan akun Twitter resmina, Les’ Copaque nyebutkeun ideu carita mimiti “Upin & Ipin” muasal tina pangeusi sora Opah, Hajah Ainon. Sakabéh caritana dijieun sangkan teu babari dipikasurti tapi sarat pesan moralna bisa katarima mangpaatna.

Pausahaan ieu nyebutkeun yén Upin jeung Ipin digambarkeun yatim piatu lantaran mimitina maranéna kakuranga waktu jeung Sumber Daya Manusia pikeun nyieun tokoh anyar, antukna dua budak leutik ieu digambarkeun teu miboga indung jeung bapa.

Alesan sarupa jadi carita di satukangeun panampilan Upin jeung Ipin nu teu miboga buuk. Nalika ngaproduksi musim munggaran, pausahaan animasi kudu ngahémat pangaluaran sarta ngagancangkeun prosés nyieun kalayan ngaeuweuhkeun buuk nu bisa waé méakeun waktu.

Sérial animasi asal Malaysia ieu ogé kasohor di Indonesia. Les’ Copaque Production, Rumah Produksi ti animasi Upin jeung Ipin geus nyangking leuwih ti mangpuluh layang pangajén nasional jeung internasional.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *