Tos Kedahna SérLok Bantaran Jadi Tempat Wisata Anyar – Wasunda

Foto: Humas Kota Bandung

Pembangunan sisi walungan SerLok Bantaran di sakuriling Bukit Jarian, Kelurahan Hegarmanah, Kecamatan Cidadap sakedap deui bade réngsé. Kawasan ieu tos meujeuh janten lokasi wisata alam di Kota Bandung.

Dumasar ti situs resmi Humas Kota Bandung. Wakil Wali Kota Bandung, Yana Mulyana nyarios yén SerLok bantaran fungsi na tos saé kanggo dianggo ngelola lauk, kolam panampungan, ogé mata air nu siap dianggo.

“Dinten ieu progress di SerLok Bantaran Alhamdulillah sacara fungsi tos saé. Sapertos ngelola lauk, kolam panampungan, ogé mata air,” saurna Yana Mulyana saatos marios SerLok Bantaran di sakuriling Bukit Jarian, Keluraham Hégarmanah, Kecamatan Cidadap, nu dikutip sareng disunting kana basa Sunda ti situs resmi Humas Kota Bandung (23/7/2020).

Anjeunna yakin yén kawasan ieu cocok kanggo wisata alam margi warga nu dongkap ka tempat ieu luamayan cekap seueur. Yana Mulyana gé ngajak kanggo nyampurnakeun wisata alam nu anyar ieu.

“Cekap seueur jalmi nu dongkap ka dieu ngarasakeun wisata alam. Urang sampurnakeun bener janten wisata alam nu anyar,” saur Yana Mulyana.

Saur Wakil Wali Kota, SerLok Bantaran sami sareng kawasan alam nu sanésna, sapertos Mbah Céléng, Mbah Garut, ogé Wetland nu aya di wilayah Bandung Timur ogé. Mung bédana lokasi SerLok bantaran langkung gampang aksésna.

“Fungsina rélatif sami, tujuan wisata alam. Bédana mung di lokasi hungkul. SérLok Bantaran langkung di tengah kota ogé aksésna gampang,” saurna.

Anjeunna gé ngaaprésiasi warga nu atos ngajaga kawasan héjo ieu. Partisipasi warga jadi hiji faktor utama kawujudna pembangunan SérLok Bantaran.

“Pamaréntah teu bisa ngajaga ieu nyalira, tangtosna partisipasi warga. Lain saukur nganikmati wungkul, tapi ogé ngajaga tempay eu,” saurna.

Pemerintah Kota (Pémkot) Bandung nguapayakeun kawasan ieu jadi tempat konservasi nu basisna pemberdayaan lingkungan. Di lokasi ieu migaduh konservasi mata air kota, édukasi kalestarian walungan, smart tourism, ogé usaha produktif nu basisna lingkungan.

Pémkot Bandung sareng komunitas Sérlok Bantaran ogé nuju nata séntra kagiatan pangembangan “Urban Biodiversity – Walungan Cikapundung”

Dugi ka ayeuna, DInas Pekerjaan Umum (DPU) Kota Bandung ogé nuju nyiapkeun infrastruktur panunjang di kawasan ieu.