Tipung Béas, Gula Arén, Burayot! – Wasunda

Foto : Worpress/ sitin9g032

Burayot nyaéta salah sahiji dahareun khas Sunda nu bentukna ngagalantung, dahareun ieu tiasa dipendakan di daerah Garut di wilayah kec. Lélés, Kadungora, Wanaraja. Dahareun ieu bahanna nyaéta tina tipung béas, gula arén, kacang taneuh, sareng minyak kalapa.

Tempat wisata Candi Cangkuang/ Situ Cangkuang mangrupakeun wilayah nu cukup kasohor ku produksi Burayot ieu. Ku kituna Cangkuang Lélés mangrupakeun hiji daérah nu kasohor ku Burayotna, dibandingkeun Kadungora sareng Wanaraja.

Pami anjeun hoyong mendakan Burayot dadakan, tiasa dipendakan di pasar-pasar, missal pasa Kadungora arurang bisa mésér Burayot dadakan nu panas kénéh. Langkung raos dadakan, margi masih panas sareng masih raos rasana. Bédana sareng nu dijual di toko-toko nu tos dibungkusan mah disimpen heula.

Bahan baku na gé ngapangaruhan si rasa Burayot ieu, misalkeun gula beuereumnatawa gula arén nu béda bakal béda ogé ka si rasana. Jadi, ngadamel Burayot téh teu sembarangan nganggo bahan nu béda, margi kualitas bahan peranna penting pisan.

Mudik ka Garut saacan lebaran pasti teu anéh deui lamun disayogikeun Burayot pami aya aya kumpul-kumpul kulawargi atau sillaturahmi ka bumi rencang/tatanggi kanggo saukur ngobrol sareng ngarasakeun tiisna Garut.

Garut kasohor sareng kuliner khasna. Salian ti dodol, aya ogé Burayot nu teu éléh kasohor. Ogé aya nu sanésna diantawisna Endog Léwo, Kurupuk Asoy, Ranginang, jsb.