Tips Sangkan Teu Katular Virus di Pusat Kabugaran! – Wasunda

Foto: covid19.go.id

Pusat kabugaran sareng tempat olahraga public mangrupakeun tempat nu résiko panularanna nu ageung. Komo deui olahraga mangrupakeun Aerosol Generating Procedures (AGPs). AGPs nyalira mangrupakeun aktifitas-aktifitas nu bakal nimbulkeun aerosol. Ha’ éta dijelaskeun ku dr. Anita Suryani, dokter spésialis olahraga pas diskusi Gugus Tugas Nasional di Graha BNPB, Jakarta, Sabtu kaping 18 Juli 2020.

“Arurang terang aerosol ngadamel droplé jadi beuki alir tur nyieun tahan leuwih lila di udara nu jadina panularan jadi langkung gampil,” saur dr. Anita nu dikutip ti situs resmi Gugus Tugas Nasional (19/7/2020).

Hal ieu nu ngadamel Perhimpunan Dokter Spésialis Kedokteran Olahraga (PDSKO) ngarékoméndasikeun supados masyarakat ngalakonan latihan fisik atawa olahraga di bumina séwang-séwang waé. Mung, dina ningal faktor sosial sareng ékonomi, dr. Anita ngabagi tips kanggo tetep aman pas olahraga di pusat kabugaran atawa fasilitas olahraga di ruang katutup sanésna.

“Arurang pengguna fitness atawa pengguna gym, sabisana tiasa ngabawa pakakas nyalira. Anduk, baki, botol cai,” saur dr. Anita.

Kanggo pakakas olahraga nu dianggo babarengan, kedah dibersihkeun heula sateuacanna ku disinféktan saacan dianggo. Anjeunna ogé nyarankeun sangkan tong nyepeng panon, irung saremh lambey saatos nyepengan pakakas kabugaran.

Kanggo kagunaan masker, dr. Anita ngaku masker bakal ngaganggu métabolisme tubuh pas inténsitas olahraga nu ageung, mung teu masalah kanggo olahraga nu inténsitasna alit atawa sedeng. Anjeunna gé ngingetan kanggo terus nurut atawa patuh ka protokol kaséhatan sapertos wawasuh panangan, nganggo masker sareng jarak jauh kanggo neken risiko panularan pas olahraga di pusat kabugaran.

“Olahraga inténsitas sedeng téh tiasa ningkatkeun sistem imun, sanés nu inténsitasna ageung. Jadi lamun urang katulas Corona moal aya gejala, urang bakal séhat-séhat baé. Tapi panularanna gé kedah tetep dicegah ku wawasuh panangan, nganggo masker, jaga jarak ogé mawa pakakas nyalira,” saur dr. Anita.