Tempat Hiburan Peuting Di Majalengka Dirazia, Pulisi Ngamankeun Mangratus Botol Miras – Wasunda

Foto: suaracirebon.com

Kabupaten Majalengka- Pulisi ngarazia tempat hiburan peuting di Majalèngka,  dina kagiatan Operasi Cipta Kondisi (Cipkon) mangratus botol miras rupa-rupa mèrek di amankeun Polres Majalengka, Razia dilakukeun di 3 lokasi hiburan peuting, Senèn (13/7/2020).

Dumasar jabar.tribunnews.com (15/7/2020) Kagiatan cipkon dipingpin langsung ku Kapolres Majalengka, AKBP Bismo Teguh Prakoso didampingi ku Waka Polres Majalengka Kompol Sumari sareng Pajabat Utama (PJU) Polres Majalengka  nu kagiatana ngalibatkeun 40 personel.

Target tempat hiburan peuting nu jadi incèr diantawisna sajam, miras, handak, narkoba, curas, curat, sareng curanmor.

Di tempat hiburan Blue Sky Majalengka patugas ngamankeun 12 botol miras mangrupi-rupi mèrek. Sakabèh barang nu diamankeun nyaèta kagaduhan palaku inisial G  nu didamel janten Office Boy (OB) di lokasi èta. Teras Razia ngalih ka Blue Sky Jatiwangi patugas ogè ngamankeun 6 botol miras.

Dikutip tina jabar.tribunnews.com(15/7/2020) Miras disita ti inisial AD (36)  nu janten Pananggung Jawab Blue Sky Majalengka. Teras di tempat hiburan peuting Adi Karya patugas ogè ngamankeun 27 botol miras nu disita ti UA (38) salaku pananggung jawab Adi Karya.

“Palaku Tipiring ngalanggar pasal 6 Perda Kabupaten Majalengka No 11 taun 2011 tentang Larangan Penjualan Minuman Beralkohol,” Sanggem Kapolres Majalengka, AKBP Bismo Teguh Prakoso tina jabar.tribunnews.com.

Anjeuna nambihkeun yèn razia ieu dilaksanakeun dina raraga nyiptakeun kondisi wilayah supados aman jeung tengtrem. Salian ti èta, ngajagi ogè kondusifitas Kabupaten Majalengka dina era New Normal atanapi AKB. Harepana upaya nyegah sumebarna COVID-19 tiasa fokus teu kedah kaganggu ku kaamanan. Rebo (15/7/2020).

Editor : Muhamad Hasanudin