Shin Tae-yong Mastikeun Mulang ka Indonesia – Wasunda

Foto: situs resmi PSSI

Pelatih Tim Nasional Indonesia, Shin Tae-yong mastikeun kanggo gera-gera balik deui ka Indonesia. Kapastian ieu diserat liwat nu teras dikirimkeun ka Ketua Umum PSSI, Mochamad Iriawan.

Dumasar ti situs resmi PSSI. Pelatih asal Koréa Selatan ieu nyuhunkeun PSSI kanggo nyiapkeun hal-hal teknis diantawisna jadwal nu akurat kanggo latihan sareng kasiapan Training Centre (TC) nu kedah disiapkeun ku PSSI.

“Kami hoyong informasi nu akurat ngeunaan jadwal sareng kapastian TC Timnas U-19 di Koréa Selatan. Jadwal kuring sareng tim pelatih ti Koréa Selatan ka Indonesia, teras période isolasi, tempat isolaso, sareng jadwal salila période isolasi,” saru Shin Tae-yong nu dikutip sareng disunting kana basa Sunda ti situs resmi PSSI.

Anjeunna nyarios ngeunaan tujuan utama ti Timnas Indonesia. Anjeunna hoyong Timnas lain saukur suksés digelaran Piala Dunia U-20 2021 hungkul. Anjeunna nargetkeun kanggo juara Piala AFF 2022, sareng sababarahiji tujuan nu pastina naékeun Indonesia di peringkat FIFA.

“Tujuan utama nyaéta kanggo lolos ti fase grup Piala Dunia U-20 tahun 2021 sareng juara Piala AFF 2022. Kukituna, nu leuwih penring nyaéta Piala AFC U-19 2020 sareng Piala AFF 2020 nu jadi proses bagi arurang kanggo naék ka level nu langkung saé. Teu aya pelatih nu gaduh tujuan kanggo ngaraih meunang. Tapi ayeuna waktuna kanggo ngainvéstasikeun waktu sareng usaha kanggo hasil di masa kahareup. Punteun bantosan kuring kanggo ieu sareng  sadaya jalmi nu aya di PSSI sareng sadaya média nu paduli ngeunaan Bola di Indonesia, saurna.

Ku kituna, ketua Umum PSSI Mochamad Iriawan ngaku tos maca seratna. “Muhun, dugi ka ayeuna PSSI ngantosan Shin Tae-yong kanggo uih deui ka Indonesia pendakan sareng kami. Ayeuna gé kami terus koordinasi sareng Shin Tae-yong kanggo jadwal ka Indonesia. Visa sareng kitas-na gé tos aya,” saur Mochamad Iriawan