Sejarawan Ngalebarkeun Harta Karun Jero Laut Dilélang ku KKP – Wasunda

Sumber : Liputan6.com

Wasunda, News — Andi Achdian salaku Sejarawan kabeuratan ku salah sahiji aturan dina UU Nomer 11 Taun 2020 ngeunaan Cipta Kerja anu ngijinkeun Kamenterian Kelatuan dan Perikanan (KKP) ngalélang pamangihan harta karun atawa Benda Muatan Kapal Tenggelam (BMKT) anu kedahna mah lebet ka cagar budaya.

Saleresna, saur anjeunna tos aya UU anu ngatur ngeunaan cagar budaya, nyaéta UU Nomer 11 Taun 2020 ngeunaan Cagar Budaya anu ngatur ngeunaan pamanggihan kebendaan cagar budaya di darat atawa di laut. Nanging sababaraha wilayah cai di Indonésia aya di handap wewenang KKP.

“Tah ieu anu masalah kadang-kadang, saha anu gaduh wewenang ngelola éta,” saur Andi sapertos dikutip ti CNN Indonesia, Kemis (4/3).

Andi ngalebarkeun kaputusan KKP ngalélang benda anu kapanggih di laut sanaos KKP saleresna gaduh museum kanggo ngarawat sareng majang benda berharga ti jero laut.

Andi nyarios dugi ayeuna ngeunaan pamanggihan benda anu kapanggih di jero laut ieu kénéh janten obrolan antara KKP sareng Kemendikbud. Andi ogé teu terang dugi ayeuna artos hasil lélang benda sajarah ieu dianggo kanggo naon.

Andi ogé ngalebarkeun sikap pamaréntah anu ningali benda sajarah ieu janten komoditas anu gaduh niléi ékonomis ku ngijinkeun invéstor asing sareng swasta milarian harta karun atawa BMKT di laut Indonésia.

“Mindset-na ogé savara konséptual lepat. Ieu sanés barang berharga anu tiasa di ical. Ieu mangrupa warisan budaya, anu kedah urang indungi,” pokna.

Indonésia gaduh sajarah panjang ngeunaan bidang maritim ku perairan Indonésia anu janten jalur dagang rempah ti sateuacan masa penjajahan.

”éta pasti seueur komoditi anu dicandak,” pokna.

KKP ogé di taun 2010 pernah ngical artéfak laut abad ka-9 anu kapanggih di Laut Jawa.

“éta janten masalah dugi ayeuna,” pokna.

Salian kitu, salami masa Perang Dunya II, Indonésia ogé sempet janten médan perang kapal sababaraha nagara. Dugi ayeuna teu acan aya kajelasan sabaraha niléi total paninggalan sajarah sisa perang ieu.

“Aya pamanggihan bangké kapal anu titeuleum di laut Sunda atawa naon, nya, diparios deui sababaraha taun sanggeusna euweuh urutna,” pokna.

Andi nyarios BMKT ieu kedah ditingali minangka cagar budaya, sanés komoditas icaleun.

“abdi nginten mindset-na kedah urang robah, janten tiasa disimpen janten bukti pamekaran peradaban dunya di dinya. Jalur maritim urang. Éta anu kedah urang perjuangkeun,” saur Andi.

Sumber : CNN indonesia