Saran Nelayan Kabupaten Subang ka Wakil Gubernur Jawa Barat – Wasunda

Foto: jabarprov.go.id

Nelayan Kabupatén Subang narima bantuan sosial (bansos) ti Pémprov Jawa Barat (Jabar). Bantosan ieu disalurkeun simbolis ku Wakil Gubernur (Wagub) Jawa Barat (Jabar) Uu Ruzhanul Ulum, sakaligus audiénsi di Kantor Képala Désa Mayangan, Kecamatan Legonkulon, Kabupatén Subang, dinten Jumaáh kaping 17 Juli 2020.

Kang Uu nyarios yén kadongkapanna mangrupakeun wujud kapadulian Pemerintah Daérah (Pémda) Provinsi Jawa Barat ka nelayan khususna di Kabupaten Subang. Salian ti éta, pihakna sakaligus ngaévaluasi prosés pamasihan bansos provinsi Jawa Barat nu dipasihkeun kanggo kelompok masyarakat nelayan di Kabupatén Subang.

Dumasar ti situs resmi Pémprov Jawa Barat. Wakil Gubernur Jawa Barat, Kang uu Ruzhanul Ulum ngajak ka masyarakat kanggo ningkatkeun kasejahteraan nelayan ogé peduli ka nelayan. Sabab nelayan nyaéta salah sahiji profési nu kedah diperhatoskeun.

“Hayu urang tingkatkeun kasejahteraan nelayan, paduli ka nelayan,” saur Kang Uu Ruzhanul Ulum nu dikutip sareng disunting kana basa Sunda tina situs resmi Pémprov Jawa Barat (19/7/2020).

Di tahun 2021, kang Uu nyarios yén Pémda Provinsi Jawa Barat parantos nganggarkeun pembangunan ékonomi liwat Kelompok Usaha Bernama (KUB), kalebet kanggo para nelayan di Jawa Barat. Ngkinna, Pémda Provinsi Jawa Barat bakal ngabantos Rp. 30 kanggo masing-masing warung per kecamatan di 10 KUB di Kabupatén Subang.

Kang Uu nyarios yén misalna aya hiji warung, warung éta tiasa ngaminuhan kabutuhan nelayan nu aya di Kabupatén Subang.

“Jadi nelayan ieu diusahakeun aya (misalna) hiji warung, di mana warung éta tiasa minuhan kabutuhan nelayan nu aya,” saur Kang Uu.

Dina audiénsi éta, Kang Uu ogé nyatet naon nu jadi keresahan para nelayan nyaéta ngeunaan breakwater (pemecah gelombang) margi abrasi nu nyulitkeun ngala lauk, pamasalahan sodétan, dugi kahoyong kanggo gaduh parahu nganggo solar system supados raos dina sagala kaayaan.

Salian ti éta, dina seueurna program bantosan pendidikan kanggo murangkali palaku utama perikanan, anjeunna masih terang ka para nelayan kanggo merhatoskeun pendidikan kanggo para murangkalih kanggo janten bekel ningkatkeun ékonomi masyarakat nelayan, ogé kanggo penerus nelayan di taun-taun nu bakal datang.