Sanaos Teu Acan Ka Bandung, Castillion Angger Cénghar – Wasunda

Punggawa Maung Bandung nu janten striker, Geoffrey Castillion mastikeun anjeunna angger cénghar jagjag. Anjeunna ngaku tos siap balik deui ka Bandung pami tos aya kapastian ngeunaan jadwal kompetisi sareng latihan tim. Margi, dugi ka ayeuna teu acan aya jadwal nu pasti.

Dumasar ti situs resmi Persib Bandung, anjeunna tetep ngajalankeun program latihan mandiri nu tos disusun ku jajaran pelatih. Margi kanggé ngajaga awak supados teras séhat.

“Di dieu (Walanda) kondisi kuring saé sareng tetep jagjag. Kondisi kuring siap terus kanggé latihan deui sareng tim teras siap balik ka Bandung,” saur Castillion nu tos dikutip sareng disunting kana Basa Sunda ti situs resmi Persib Bandung (11/7/2020).

Ngan, dugi ayeuna anjeunna masih teu acan tiasa uih deui ka Bandung ku sabab aya sababarahiji kendala. Salah sahijina nyaéta jadwal resmi kompetisi Liga-1 nu teu acan pasti iraha. Tapi pami anjeunna tos kénging kapastian, tos pasti anjeunna uih deui ka Bnadung kanggé jadi predator di Lapangan.

Anjeunna gé ngaku tos teu sabar kanggé maén deui di Persib. Kumaha teu sono, liga-liga di luar negeri tos dikawitan deui gelaranna sanaos ngagunakeun protokol kesehatan nu tos dotangtoskeun. Samentawis di nagara urang ta acan kénéh aya kapastian ngeunaan gelaran liga. “Kuring tos teu sabar kanggé maén deui, mudah-mudahan sadayana lungsur-langsar sareng saya tiasa gera-gera gabung,” saurna.