Sanaos Négatif Covid-19, Klinik Kaséhatan Unpad Tetep Ningkatkeun Kawaspadaan – Wasunda

Foto: unpad.ac.id

Saseueur 70 pagawé Klinik Kaséhatan Universitas Padjadjaran dinyatakeun négatif virus Corona atawa Covid-19 dumasar ti hasil pamariksaan usap (swab test) nu dilaksanakeun dinten Salasa, kaping 14 Juli 2020 kamari.

Dumasar ti situs resmi Pémprov Jawa Barat. Diréktur Pelayanan Klinik Kaséhatan Universitas Padjadjaran (Unpad), Dr. Agung Dinasti Permana,dr.,Sp.THT-KL(K).,M.Kes., nyarios yén pamariksaan dilakonan kanggo ningkatleun kawaspadaan ogé panyegahan dina manajemen klinik ti paparan Covid-19.

Dilakonanna pamariksaan ieu téh nginget yén Klinik Kaséhatan Unpad jadi fasilitas kaséhatan tingkat I tetep masihan pelayanan ka sivitas akademika atawa masayarakat umum dina upaya nangani ogé nyegah ti paparan Covid-19.

Dr. Agung Dinasti Permana,dr.,Sp.THT-KL(K).,M.Kes., nyarios yén salami pandemi ieu tos seueur pasien nu dongkap ka Klinik Padjadjaran dina kaayaan gaduh gejala Covid nu lebet ka kategori ODP/ODP.

“Salami mangsa pandemi ieu gé tos seueur pasien nu dongkap dina kaayaan gejala Covid nu lebet kana kategori janten ODP/PDP nu tos dilakonan laporan ka puskésmas,” saur Agung, dikutip sareng disunting kana basa Sunda tina situs resmi Pémprov Jawa Barat (22/7/2020).

Salian ti éta, dina sababaraha minggu terakhir, dua tanaga kaséhatan dikonfirmasi aya gejala teras atos dilakonan tes rapid nu hasilna réaktif. Ku kituna, kanggo mastikeun kaséhatan pagawé tingkat lanjut, swab test dilaksanakeun kanggo nyegah yén tenaga kerja ieu kaoaoar atawa heunteu.

Agung ngajelaskeun yén 70 urang nu ngajalankeun tés swab diantawisna aya dokter umum, dokter gigi, perawat, bidang, laboran, patugas farmasi, patugas admnistrasi, dugi ka tenaga kaamanan ogé kabersihan nu aya di Klinik Padjadjaran. Ieu hasil tés swab téh dilakonan ku Tim Satgas Covid-19 Unpad. Teras sampelna langsung diparios di laboratorium uji Covid-19 nu dipigaduh ku Unpad.

Sanaos hasil pamariksaan nunjukkeun teu aya pagawé nu kapapae Covid-19, Agung mastikeun yén pelayanan Klinik Kaséhatan Unpad tetep ningkatkeun kawaspadaan ogé ngajalanjeun protokol kaséhatan nu ketat. Pihakna ogé nerapkeun sababaraha modifikasi dina Adaptasi Kebiasaan Baru (AKB/Adaptasi Kabiasaan Anyar), khususna dina masihan pelayanan kaséhatan kanggo para pasién.

“Klinik Kaséhatan Unpad dugi ka ayeuna tetep masihan pelayanan kaséhatan ka masyarakat, sivitas akademika, ogé tenaga kependidikan sapertos biasana ogé lancer,” pungkasna.