Sakola Geus Dibuka Di Zona Héjo – Wasunda

Sumber: Tribunnews.id 11.31 WIB

Para sepuh murid anu daérahna ka asup zona héjo atawa zona aman, geus ramé ka palasar jang nyiapkeun paralatan sakola budakna. Timimiti saragam depi ka pamupus, kabéh dibahanan sangkan budakna sumanget indit sakola deui. Peré sakola leuwih ti opat bulan ngajadikeun kabiasaan anyar, kagiatan anyar jeung jadwal anu anyar. Aya hadéna, ogé aya goréngna. Sababaraha urang sepuh ngaku kawalahan lamun seug kudu mapatahan budakna diajar, para sepuh ieu ngaku aprésiasi kana perjuangan sareng pangorbanan guru disakola atawa di masjid kalintang gedé pisan jasana.

Tina wawancara telekonferensi jeung siaran pers Kamenterian Pendidikan sareng Kabudayaan Nomor: 174/sipres/A6/VII/2020. Pak Nadiem Makarim nyebatkeun yén sakola anu aya di daérah zona héjo mah tiasa diajar disakola. Kuhalna kitu lain harti bisa diajar sakumaha biasana sapertos sateuacan aya covid-19 tapi kudu merhatoskeun pisan protokol kaséhatan, boh guru, sepuh atawa murid.

Pak Menteri masihan kabijakan jang sakola anu di buka téh nyaéta SMP sareng SMA/SMK heula. Dilansir dina tribunnews.id pak menteri nyarita.

“ieu soal kanyamanan sareng kapercayaan urang saréréa ka pihak sakola anu bisa ngalakukeun protokol kaséhatan anu hadé.” Kitu saur pam Mendikbud di Jakarta, Saptu (11/7/2020).

Aya 104 daérah kabupatén/kota anu tos gaduh izin Mendikbud ngayakeun diajar langsung disakola, tapi Mendikbud ogé masihan kalaluasaan pamaréntah daérah kanggé netepkeun kaputusanna dina perkara ieu. Ayeuna Kemendikbud keur ngamonitoring daérah mana waé anu sakirana bakal bisa diajar di sakola, harepan pak menteri aya kerjasama anu hadé  ti pemda jeung dinas pendidikan di unggal daérah sabab ieu kanggé kamaslahatan urang saréréa.

Mendikbud ogé atos ngintun dana BOS atanapi Bantuan Operasional Sekolah ka masing-masing rekening sakola, anjeuna ngémutan supados dana BOS éta tiasa di mangfaatkeun pikeun nyiapkeun protokol kaséhatan sareng kabutuhan anu sanésna.

Pak Menteri Nadiem ngaprésiasi pisan kana perjuangan sareng dédikasi guru anu teu pernah bosen milari cara sangkan murid-muridna bisa tetep meunang élmu, nepika nguriling ka imah-imah muridna. Éta guru sajati, guru tanpa tanda jasa.

Editor : Muhamad Hasanudin