Sajarah Kabudayaan Tari Jaipong – Wasunda

Foto : id.pinterest.com

Budaya – Tari jaipong nyaéta seni tari nu lahir tina kreativitas saurang seniman asal Bandung, Gugum Gumbira. Anjeuna gaduh inspirasi tina kasenian rakyat nu salah sahijina nyaéta Ketuk tilu nu ngajantenkeun anjeuna uninga pisan kana perbendaharaan pola-pola Bajidoran atanapi Ketuk Tilu. Gugum Gumbira tiasa ngembangkeun tarian atanapi kasenian nu ayeuna kasohor ku nami Jaipongan.

Karya jaipongan nu kahiji ngawitan dikenal ku masarakat nyaéta tari “Daun Pulus Keser Bojong” sareng “Rendeng Bojong” nu kaduana mangrupikeun jenis tari putri sareng tari berpasangan (Pamaget sareng istri). Tari ieu pas ngawitan aya dianggap janten gerakan anu érotis sareng vulgar, namung beuki lami tari ieu beuki dikenal sareng ngawitan ningkat frekuensi pertunjukana boh dina Tv, hajatan, atanapi kagiatan-kagiatan nu di ayakeun ku pamaréntah atanapi pihak swasta.

Tina tari jaipong ieu ngawitan lahir sababaraha panari jaipong  nu kasohor nyaéta Tati Saleh, Yeti Mamat, Eli Somali, sareng Pepen Dedi Kirniadi.Kahadiran tari jaipong masihan kontribusi nu lumayan ageung kanggé papada pacinta seni tari sangkan tiasa langkung aktif deui ngagali jenis tarian rakyat nu sateuacana kirang diperhatoskeun. Ku munculna tari jaipongan ieu janten seeur nu nagdamel kursus-kursus tari jaipongan, sareng seeur di mangpaatkeun ku papada pangusaha kanggé pamikat tamu undangan. 

Di Subang Jaipongan gaya “Kalerab” ngagaduhan ciri khas nyaéta kaceriaan, erotis, humoris, sumanget, spontanitas, sareng kasederhanaan. Hal éta diuninga tina pola panyajian tari tina partunjukanana, aya nu dipasihan pola (Ibing Pola) sapertos seni Jaipongan nu aya di Bandung, ogé aya tarian nu teu aya pola (Ibing Saka), misalna tina seni Jaipongan Subang sareng Karawang. Istilah ieu tiasa ditinggal tina Jaipongan gaya kaleran, utsmins di daerah Subang. Tari Jaipongan dina dangeut ayeuna tiasa disebat salah sahiji tarian khas Jawa Barat, tiasa ditinggal tina acra-acara penting kadatanga tamu-tamu ti Nagara asing nu datang ka Jawa Barat, sok disambut ku partunjukan tari jaipongan.Tari jaipong ieu seeur mangaruhan kasenian-kasenian lainna nu aya di Jawa Barat, boh dina seni partunjukan wayang, degunggenjring, jeung lain sajabana, malah nepi ka dikolaborasikeun sareng Dangdut Modern ku Mr.Nur sareng Leni dugi ka janten kasenian Pong-Dut. 

Perkembangan salajengna tina Jaipongan ieu nyaéta dina taun 1980-1990-an dimana Gugum Gumbira nyiptakeun tari laina sapertos Toka-toka, Setra Sari, Sonteng, Pencug, Kuntul Man gut, Iring-firing Daun Puring, Rawayan sareng Tari Kawung Anten. Tina taritarian éta aya sababaraha panari jaipongan nu handal diantawisna Iceu Effendi, Yumiati Mandiri, Miming Mintarsih, Nani, Erna, Mira Tejaningrum, Ine Dinar, Ega, Nuni, Cepi, Agah, Aa Suryabrata, sareng Asep Safaat.