Rumaja ngaku-ngaku anak Anggota DPRD, Mawa Kabur Mobil CRV – Wasunda

foto: jabar.tribunnews.com

Tasikmalaya – Rumaja nu inisialna RO (16), warga Kacamatan Purbaratu, Kota Tasikmalaya, di tèwak ku polisi lantaran mawa kabur Honda CVR plat nomer B 1608 EE nu anyar kènèh.

Tersangaka nu masih kènèh dihandap umur ieu mawa kabur mobil mèwah alesan awal na nyaèta rèk ngalakukeun test drive.

Dumasar jabar.tribunnews.com (12/8/2020) Kapolresta Tasikmalaya, AKBP Anom Karibianto dibarengan ku Kastreskrim, AKP Yusuf Ruhiman, ngaku yèn tersangka nu masih kènèh rumaja ieu ngabongohan korban kucara ngakukeun manèhna anak anggota DPRD Kota Tasikmalaya.

“Mobil CRV ieu rèk dijual kunu boga na. Tuluy jangjian rèk papanggih jeung tersangka di tukangeun Mayasari Plasa, Jalan Pasar Wetan, Pasar Rel. Tersangka tuluy hayang test drive,” Sanggem Anom, di Mapolresta, rebo (12/8) siang.

Laina test drive, tersangka kalah mawa kabur mobil nu warna bodas saharga Rp 500 Juta ieu. Korban nu ngarasa katipu langsung ngalaporkeun ka polisi.

“Meunang laporan èta, sarta dumasar tina katerangan papada saksi, Pulisi curiga palakuna nyaèta RO,” Sanggem Kaporesta.

Tina hasil panyalidikan, pulisi uninga yèn mobil èta di candak kabur ka Bandung. “Tersangka langsung di tèwak di harepeun Stasiun KA Kiaracondong, Salasa (11/8) peuting,” Sanggem Anom.

Tersangka nyaèta mantan pelajar di salah sahiji SMA di Kota Tasikmalaya, manèhna nyaèta warga Purbaratu.

Sakumaha nudikutip tina radartasikmalaya.com (12/8/2020) Saacana tersangka diuninga kantos mawa kabur mobil mantan Kapolda Jabar, Irjenpol Anton Carlian pas keur di kumbah, manèhna sempet meunang pambinaan, tapi ayeuna teu kapok ngakukeun aksi nu sarupa. Dina aksi nu ayeuna manèhna modus jadi nu meuli, api-api rèk ngtes mobil.

Palaku manggihan nu boga mobil di Jalan Pasar Rel, Senèn (03/08). Tuluy, palaku ngajukeun persaratan ka korban sangkan bisa ngtes heula mobil na tuluy dibawa kabur.

Kapolresta Tasik, AKBP Anom Karibianto ngabenerkeun kajadian èta. Palaku tadi peuting (11/8) dina tabuh 23.00 WIB, diciduk ku Satreskrim di Stasion Kiaracondong, kota Bandung.

Pas di tèwak, palaku keur aya na jero mobil nu di bawa kabur. Manèhna langsung ditèwak tuluy dibawa ka Mapolresta Tasik.

“Palaku ogè pernah maling saacana, modus na nyèta dititah ku nu boga mobil sangkan dibawa. Basa èta manèhna mawa kabur mobil mantan Kapolda Jabar,” Jelasna.

Palaku nu masih dihandap umur, diserahkeun ka Balai Permasyarakatan (Bapas) di Kota Banjar.

“Palaku lumayan gesit. Saeengeur mawa CRV, palaku ogè kantos nipu SPBU Cihaurbeuti lantaran mobilna bèak bensin. Di Bandung ogè manèhna nipu tukang cilok lantaran lapar,” tambahna.

RO ngaku sagala kalakuana. Manèhna ngalakukeun èta lantaran gaya hirup.

“Muhun, Mobil dicandak ameng ka Bandung, ka bumi rerencangan. Supados kaciri gaya kang,” Ceuk palaku.

Manèhna ogè pernah ngaku-ngaku ka panyidik yèn manèhna anak ketua deas, asup komunitas jelema beunghar jeung ngaku dulurna Mentri Keuangan, Sri Mulyani. Rebo, (12/8/2020).