RSHS Nerapkeun PKBM Kanggo Kaamanan sareng Kanyamanan Pasién – Wasunda

Foto: jabarprov.go.id

Dina upaya panyegahan panyebaran Covid-19 di Lingkungan Rumah Sakit Hasan Sadikin (RSHS) ogé salaku wujud antisipasi ti diberlakukeun Adaptasi Kebiasaan Baru (AKB/Adaptasi Kabiasaan Anyar) di Wilayah Jawa Barat, RSHS ngaberlakukeun Pembatasan Kegiatan Berskala Mikro (PKBM) di sadaya wilayah RSHS, utamina di aréa stratégis sapertos Poliklinik Rawat Jalan, Rawat Inap sareng Bedah Séntral.

Dumasar ti situs jabarprov.go.id, M. Kamaruzzaman salaku Diréktur Perncanaan, Organisasi dan Umum RSHS nyarios yén poliklinik Rawat Jalan RSHS mun nampi pasién nu tos kadaftar sacara onlén sareng pasién nu nunjukkeun bukti pengambilan hasil di tanggal éta.

“PKBM di RSHS berlaku ngawitan Senén kaping 3 Agustus 2020, utamina di aréa stratégis sapertos Poliklinik Rawat Jalan, Inap, Bedah Séntral, jeung sajabana,” saur Zaman, dikutip sareng disunting kana basa Sunda ti situs jabarprov.go.id (4/8/2020).

Zaman nyarios yén salian ti mung saukur nampi pasién nu daftar sacara onlén, poliklinik RSHS mung baal nampi pasién nu nunjukkeun bukti pengambilan hasil dina tanggal éta, pasién nu tos dijadwal, pasién klinik éksékutif, kontrol post rawat inap, sarta pasién klinik khusus (Hémodialisa, Radioterapi, Kémoterapi Asnawati, Métadon Hémofilia, Thalassemia, TB Dots, TB MDR, Nuklir, sareng nu dijadwal SWAB).

“Pembatasan pangunjung di Instalas Rawat Inap gé angger diberlakukeun. Nu ngantosan pasién gé mung kénging sajalmi sareng jam besuk di teu ayakeun heula kanggo samentawis. Kami miharep masarakat tiasa ngamaklum margi ieu demi kaamanan sareng kasaéan babarengan,” saurna.

Zaman ogé masih terasng ka sadaya pangunjung RSHS sangkan teras patuh ka protokol kaséhatan dina mangsa AKB, diantawisna terus nganggo masker, jaga jarak minimal 1,5 méter ogé teras ngajaga kabersihan panangan.

“Masalah Covid-19 nyaéta masalah urang sadaya, unggal anggota masarakat gaduh peran séwang-séwang dina upaya neken malah ngeureunkeun angka partumbuhan kasus Covid-19 di Indonésia. Ku kerja sama ti sadaya lapisan masarakat, mugia Indonésia bakal gera bangkit ogé pandemi ieu réngsé di bumu pertiwi,” saurna.

Kanggo masarakat nu badé ngadaftar ka Poliklinik Rawat Jalan RSH gampil pisan, tiasa ngahubungi contact center (022) 255 1111, tiasa ogé liwat aplikasi RSHS Go atanapi wébsite reservasi.rshs.or.id.

Salian ningkatkeun kaamanan ogé kanyamanan, ku ayana daftar onlén pasién teu kedah lami ngantri di lokét pendaftaran.