Ridwan Kamil Bakal Nangtoskeun Sanksi Masker Dinten Ayeuna – Wasunda

Foto: jabarprov.go.id

Ketua Gugus Tugas Percepatan Penanganan Covid-19 Jawa Barat, Ridwan Kamil tos nawisan Peraturan Gubernur (Pergub) ka pelanggaran palaksanaan PSBB sareng Adaptasi Kebiasaan Baru (AKB) nu dilebetna ogé ngatur sanksi protokol kaséhatan.

Dumasar ti situs resmi Pemerintah Provinsi Jawa Barat. Kang Émil salaku Gubernur ogé Ketua GGTP Covid-19 Jawa Barat ngajelaskeun yén Pergub ieu téh nyaéta salah sahiji upaya kanggo ngalaksanakeun kagiatan ékonomi deui tapi tetep ngajaga kawaspadaan.

“Abdi tos nawisan Pergub sanksi sareng denda teu nganggo masker, dina upaya tiasa ngalaksanakeun deui ékonomi tapi tiasa ngajaga kawaspadaan,” Saur Kang Émil, dikutip ti situs resmi Pémprov Jabar (28/7/2020).

Daud Achmad salaku Sekretaris Gugus Tugas Percepatan Penanganan Covid-19 nyarios yén Ridwan Kamil bakal ngumumkeun Pergub ieu dinten ieu, Salasa kaping 28 Juli 2020.

“Régulasi tos réngsé dinten ieu. Mung, margi kagiatan Pa Gubernur dinten ieu padet sareng aya di Jakarta, pengumuman ditunda janten énjing,” saur Daud.

Éni Rohyani salaku Kepala Biro Hukum dan Hak Asasi Manusia Setda Provinsi Jawa Barat nyarios yén régulasi ieu ditetepkeun dumasar ti Undang-Undang (UU) Nomor. 30 Tahun 2014 ngeunaan Administrasi Pemerintahan sareng UU Nomer 12 Tahun 2011 ngeunaan Pembentukan Peraturan Perundang-undangan.

“UU 30 taun 2014 ieu émang ngamungkinkeun panerapan sanksi administrasi ku kepala daérah nu dilakukeun kanggo negakkeun tertib panyelenggara pamaréntahan,” saur Éni.

Éni ngalajengkeun yén régulasi ieu dumasar ti Peraturan Daérah (Perda) Nomer 13 Taun 2018 ngeunaan Panyalenggaraan Katentraman, Katartiban Umum, sareng Perlindungan Masyarakat.

“Dina pasal 13 Perda Nomer 13 Taun 2018 ieu ngatur ngeunaan sanksi administrasi nu diterapkeun dina pelanggaran tertib kaséhatan. Di dinya tos aya aturanna. Margi Perda tos aya, berarti Pergub tos kuat,” saurna.

Ku kituna éni nyarios yén palaksanaan téknis ieu tiasa dilaksanakeun ku tingkat mana waé, boh éta ku provinsi, kabupatén/kota. Atawaw provinsi nu lanhgsung ngalibatkeun Satpol PP, Gugus Tugas, sareng perangkat daérah kakait nu negakkeun aturan.

“Téknis aya nu ku provinsi, aya nu ku kabupatén/kota. Jadi kabupatén/kota bisa nerapkeun ieu babarengan sareng provinsi, atawa provinsi nyalira ngalaksanakeun ku ngalibatkeun Satpol PP, gugus tugas, sareng perangkat daérah kakait nu negakkeun aturan,” saurna.

Penulis : Iman Setiawan