Ribut Judi Togel di Sumedang Makè Anggaran Bansos – Wasunda

Foto: jabar.tribunnews.com

Anggota Dewan Perwakilan Rakyat Daerah (DPRD) Kabupaten Sumedang ngarasa prihatin ku ayana peredaran judi togel sanghai cobra nu nuju genjleung di wilayah Kabupaten Sumedang.

Seeur warga di Kabupaten Sumedang nu ngamanpaatkeun kasulitan ekonomi saprak pandemi COVID 19 ieu ku ngalakukeun judi ngarah gampil kengèng artos. Upami ningal kana kondisi anu kiwari, néangan artos kalintang sulitna sabab pamaréntah nganjurkeun ulah waka kamamana, kedah di bumi waé. Tapina lamun seug kitu dapur masarakat moal ngebul sabab teu sadaya masarakat kabagéan bantuan. Ahirna kagiatan judi jeung togél jadi beuki ramé.

Wakil pupuhu Dewan Perwakilan Rakyat Daerah Kabupaten Sumedang, Titus Diah nguningakeun yèn anjeuna ngaraos prihatin ku ayana laporan yèn wargana ngagunakeun artos bansos kanggè judi togel pikeun nambihan panghasilan sapopoè.

“Tadi aya warga nu ngalaporkeun yèn dina judi èta aya nu dugi ngagunakeun artos bansos ti pamarèntah, ngahaja di pasang jang mesèr kupon kusabab kabita ku hasil judi nu gedè lamun meunang.” Sanggem Titus.

Dumasar jabar.tribunnews (20/7/2020) ku genjeleung na judi togel sanghai cobra ku warga dijadikeun peluang anyar sangkan tiasa kengèng artos ku cara nu gampil dina kaayan COVID-19, katambih warga nuju sesah tina widang perekonomianana.

“Pamarèntah sanes badè ngahalang-halang usaha warga Kabupaten Sumedang, tapi dina kaayaan sapertos kieu mah tangtos bakal seeur ogè ekonomi warga nu turun.” Titus ngajelaskeun.

Judi togel sanghai cobra tèh,sanggem Titus, genjleungnaa di Kacamatan Tanjungsari, Jatinangor, Cimanngung, sareng daerah Sumedang Kota. Jantèn ayeuna pihakna nyuhunkeun aparat kapolisian kanggè ènggal ngbereskeun laporan warga.

“DPRD mung nampung aspirasi nu dilaporkeun ku warga ka aparat kapolisian nu bakal langsung nindak di lapangan,”

Kasubag Humas AKP dedi Juhana Polres Sumedang nguningakeun yèn pihak kapolisian tos nindak laporan ti warga perkawis judi togel sanghai cobra nu sateacan kantos dilaporkeun ka anggota DPRD.

“Pihak kapolisisan bakal mastikeun heula informasina, utamina lokasi anu dituju kedah akurat.” Sanggemna

Saatos kengèng informasi lokasi nu akurat, pihak kapolisian Kabupaten Sumedang bakal ngalakukeun léngkah awal nyaèta ngecèk langsung ka lokasi nu dilaporkeun. Salasa, (21/07/2020).

Editor : Muhamad Hasanudin