Répreséntasi Palécéhan Séksual Liwat Single Anyar Defectum – Wasunda

Foto Band Defectum

Wasunda, Trénd – Kiwari, loba pisan musisi atawa salah sahiji personél band nu boga proyék sorangan atawa nu leuwih ngeunaheun disebut proyék solo. Proyék solo ti salah sahiji personél ieu bisa jadi salah sahiji répréséntasi manéhna nu teu bisa dituangkeun ka band nu geus boga pakem sorangan dina milih téma album, lagu jeung sajabana.

Urang téang conto salah sahijina Robi Trianda Putra (Obitr), Robi atawa Obi ieu boga proyék solo liwat ngaran Defectum jang ngarépréséntasikeun naon nu aya di jero haté tur pipikiran manéhanana nu teu bisa diangkat di band-na. Obi nyaéta salah saurang drummer ti Band Hardcore Punk “Breh and The Bangsat” nu kungsi ngaluarkeun album “Punkjasera” jeung sababaraha single di taun 2020.

Defectum mangrupakeun proyék solo Obi nu mulai digarap di taun 2016 di Jatinangor. Obi nangtukeun jang ngarubah proyék ieu jadi hiji band ku ngajak Ugém jang ngisi posisi bas. Ngaran Defectum ieu dicokot ti bahasa Latin nu artina “kagagalan”, dimana Obi boga arepan jang terus nyokot hikmah ti kagagalan nu pernah dialaman. Defectum loba kainspirasi ti musik dina genre alternative rock/grunge jiga band Nirvana jeung The Vines.

Defectum di tanggal 5 Januari ngarilis single anyarna dina wentuk vide klip nu judulna “I Know What You Did Last Night”. Kainspirasi ti “gélona” Kurt Cobain lamun keur maén gitar jeung pattern bas Kris Novoselic dina lagu “Love Buzz”, Defectum bisa malikeun deui mémori musik 90-an nu pastina dibungkus sacara modérn.

Dina lagu ieu, Defectum hayang nyintreuk ka palaku pancabulan nu lumangsung Agustus 2020 harita di Sléman. Latar kamar cai dina video klip ngagambarkeun tempat paristiwa nalika palaku merkosa baturan awéwéna.

“Kasus palécéhan di Indonésia kuduna jadi perhatian penting pamaréntah lain saukur nyangkut harga diri manusa, tapi ogé méntal manusa sakabéhanana,” ceuk Obi.

Obi miharep Defectum bisa jadi média jang mépéling jalma pikeun kagagalan nu lain jang dipohokeun, tapi jang pangalaman keur hiji parobahan.

Video Klip singke Defectum “I Know What You Did Last Night” geus bisa anjeun tongton di Channel Youtube Defectum, cag ah!