Regulasi Sanksi Denda Kanggo Nu Teu Nganggo Masker ti Pemprov Jabar – Wasunda

Foto: Situs resmi Pemprov Jabar

Pamaréntah Daérah Provinsi Jawa Barat terus matengkeun regulasi nu ngawajibkeun kanggo masyarakat nu aktifitas di ruang publik nu salah sahiji na ngeunaan aturan sanksi sareng denda kanggo nu ngalanggar aturan éta.

Dumasar ti situs resmi Pemprov Jabar. Ketua Gugus Tugas Percepatan Penanggulangan (GTPP) Covid-19 nu ogé janten Gubernur Jawa Barat, Mochamad Ridwan Kamil nyarios, pamaréntah pusat bakal nerbitkeun Instruksi Presiden (Inpres) kakait kadisiplinan masyarakat salila pandemi Covid-19 ieu.

“Kamari Pa Jokowi nyarios yén minggon ieu bakal kaluar Inpres. Dina Inpress aya sanksi kanggo masyarakat nu teu nerapkeun protokol kaséhatan, sapertos nganggo masker nu tujuanna kanggo ningkatkeun kadisiplinan masyarakat nerapkeun protokol kaséhatan,” saur Gubernur Jawa Barat, Ridwan Kamil nu dikutip ogé disunting kana basa Sunda tina situs resmi Pemprov Jabar (17/7/2020).

Saur Kang Emil, denda saageung Rp. 100 ribu dugi k Rp. 150 ribu mung salah sahiji opsi sanksi kanggo masyarakat nu kabukti sareng kanyahoan teu nganggo masker pas aya d ruang publik. Anjeunna nyarios yén kedah nyiapkeun antara opsi sanksi atawa denda nu bakal dipasih ka masyarakat nu ngalanggar.

“sanki sosialna aya. Jadi pilihhanna bayar denda atau sanksi sosial, lain saukur denda nu tapi duanana kedah disiapkeun,” saur Ridwan Kamil.

Ridwan Kamil nyatakeun, ngaberlakukeun sanksi éta tjuanna ningkatkeun kadisiplinan masyarakat dona nerapkeun protokol kaséhatan di ruang publik margi kadisiplinan masyarakat penting pisan dina nyegah panularan Covid-19 ieu.

“Teu aya ngaranna hukuman nu dipikaresep, baheula pas helm gé protés teu nyaman, tapi da lila-lila mah helm jadi kabiasaan, masker ogé kitu,” saur Kang Emil

Samentawis ti éta, Sekretaris Gugus Tugas Percepatan Penanggulangan (GTPP) Covid-19 Jawa Barat, Daud Achmad nyarios yén pihakna bakal intens kanggo matengkeun regulasi éta. Anjeunna nyarios yén aya akademi nu kalibat dina panyusunan nu ngkéna janten dibentuk kana Peraturan Gubernur (Pergub).

“Aya akademisi nu kalibat dina panyusunan, ngkin bentukna Peraturan Gubernur (Pergub). Jadi aturan teu ogé kanggo nu ngalanggar teu nganggo masker, tapi ogé nu nyangkut protokol kaséhatan,” saurna.