Protokol Solat Idul Adha Jeung Kurban Di Jawa Barat – Wasunda

Foto: Fimela.com

Pemprov Jabar nerbitkeun protokol kasehatan ibadah Idul Adha, Protokol ieu ditawis ku Gubernur Jawa Barat Ridwan Kamil, Senèn (13/7/2020).  Serat èdaran ieu salaras jeung Kaputusan Gubernur Nomer 443/Kep.376-Hukham/2020 tentang Protokol Pemeriksaan Penjualan dan Penyembelihan Hewan Kurban sarta Distribusi Hewan Kurban selama Pandemi COVID-19, salian ti èta dumasar oge kana Serat Edaran Nomer 451/110/Hukham tetntang Penyelenggaraan Salat Idul Adha dalam situasi Wabah Bencana Nonalam COVID-19. Serat èedara ieu diuningakeun kanggè bupati sareng walikota, MUI, Departemèn agama, pupuhu ormas Islam, Pupuhu DMI, Baznas, sareng pupuhu pondok pasantren sa Jawa Barat.

Diantawis protokol kasèhatan nu kedah dilarapkeun ku masarakat saur Juru Wicara Gugus Tugas Percepatan Penanggulangan COVID-19 Daud Achmad nyaèta kedah ngangge masker, suhu awak kudu kurang ti 37,5 darajat. Salian ti èta panitia solat Id kudu ngabersihkeun tempat solat make disinfektan, ngècèk suhu awak jaamah make thermo gun, nyadiakeun wadah paragi wawasuh panangan/hand sanitizer nu ngandung alkohol, teu ngajalankeun kencleng amal, teu sasalaman, jeung kedah masihan batas jumlah jamaah di panto asup jeung kaluar. Daun nambihkeun yèn Imam sareng Khotib teu sawios upami bade nyingkat bacaan sareng khotbahna tapi tetep kedah saluyu jeung syareat.

Salajengna, kanggè Kurban, masarakat kedah mesen hewan kurban na kucara daring supados teu kedah mios ka pasar. Lokasi meuncitna dilaksanakeun di lapang atawa buruan masjid jeung kedah ngangge panutup supados teu seeur nu ngempel ngariung. Salian ti èta kawajiban kangge nu meuncit kedah dina kaayan sèhat, make baju Panjang, dimasker, maka kacamata atawa panutup raray, jeung disarung tangan. Kitu deui, Bedog atawa alat meuncitna kudu dibersihan make disiinfektan jeung panitia ogè kudu nyadiakeun cai anu ngalir ngarah teu ngeyembeu. Terakhir dina ngabagikeun dagingna, panitia kedah langsung ngabagikeu ka unggal bumi, teu kedah ngantri ku kupon supados ngajagi jarak Kesehatan ngarah teu pajejel. Salasa, (14/7/2020)

Editor : Muhamad Hasanudin