Polisi Ngungkapkeun Kasus Pembunuhan Intan Marwah Sofiyah Alias Anjani Bee – Wasunda

Sumber Foto : Tribun Jabar

Cimahi – Polres Cimahi teras ngupayakeun kanggè ngungkapkeun kasus pembunuhan Anjani Bee. Polisi nguningakeun yèn anjeuna kengèng titik terang dina kasus pembunuhan sadis Intan Marwah Sofiyah atanapi nu biasa kasohor Anjani Bee anu tos opat bulan lamina.

Dumasar Tribun Jabar.Id (22/7/2020). Kapolres Cimahi AKBP M Yoris Maulana Marzuki nguningkauen yèn dina kasus pembunuhan èta, sadinten sateacan korban dibunuh, korban sempet pendak sareng hiji lalaki. 

“Polres kengèng info yèn korban tèh kantos jangjian sareng pameget, alamatna aya di hiji hotel,” Sanggem Kapolres.

“Anjeuna dongkap nganggè ojeg online, namung turun 100 meter sateacan dugi ka lokasi, janten supir ojeg online ogè teu patos jelas ninggal lalaki nu tepangan ku Intan,”  Sanggem Yoris dina Tribun Jabar.Id

Yoris ngaduga, lalaki èta tos ngantosan di payuneun hotel. Namung korban turuna tebih ti hotel.

“ Mungkin hotel tèh mung sauukur tempat jangjian, èta ogè saleresna teu pas di payuneun hotel, aya jarak sababaraha puluh meter deui, Namung info sapertos kieu naon waè langsung ditindak lanjut sangkan tiasa ngungkap kasus ieu,” Yoris nambihkeun.

Pihakna ogè ngaduga yèn kasus pembunuhan Anjani Bee tèh teu sauukur dilakonan ku hiji jalmi sareng pembunuhana tos direncanakeun.

“Dugaan Polres mah aya lewih ti hiji jalmi nu tos ngarencanakeun sareng ngalakonan pembunuhan ieu tèh sabab terorganisir katinggalna. Aya peran nu benten- benten ti unggal palaku, ti mulai nu bagèan nga eksekusi korban, dugi ka aya jalmi nu bagèsn miceun mayir korban. Polisi teras ngupayakeun kanggè tiasa ngungkap ieu kasus.

Sementawis, sateacana, pihak kapolisian tos marios kontrakan nu lokasi na aya di Kota Bandung sareng tos pihak kapolisian ngalakonan penggeledahan.

“Ti ngawitan kasus kamar kontrakan  ogè pihak kapolisisan tos ngalakukeun penggeledahan. Namung teuaya jejak atanapi barang buktos sareng teacan aya titik terang nu ngarah ka lokasi pembunuhan,” Sanggem AKBP M Yoris Maulana Marzuki. Rebo, (22/7/2020).

Editor : Muhamad Hasanudin