Petani Kopi Di Pangandaran Rugi Ku Ayana Covid-19 – Wasunda

Sumber ilustrasi: kadinpangandara.or.id

Kiwari kopi jadi andelan ditiap daérah, dibuktikeun ku jug glegna kedai kopi jadi pilihan tempat ngobrol atawa niis lamun seug datang ka hiji kota. Kitu deui jeung Pangandaran, hiji daérah anu kasohor ku tempat wisatana ngajadikeun peluan anu hadé pikeun patani ngajual kopi khas Pangandaran. 

Produksi sareng usaha kopi di Pangandaran kaétang maju, ditambah sareng jumlah wisatawan anu dongkap kanggéliburan kaétang ningkat unggal taunna. Tapi teu tiasa ngélak dina kondisi anu teu nangtu sapertos kieu, patani kopi di Pangandaran teu acan tiasa adaptasi kana kendala sareng ancaman anu bisa datang iraha baé.

Dilansi ti ayobandung.com, Tarli Sutarli (42) patani sakaligus Padagan kopi cap Bueuk ieu ngabéwarakeun yén parkembangan Kopi di Pangandaran masih kasebut “diajar” sabab loba pisan anu jadi hambatan anu ayeuna nuju disinghareupan, sahasahijina dina masalah kualitas kopi.

“kami gaduh produksi kopi anu seueur, tapi kualitasna awon. Upami diitung kana ukuran persentase, kopi anu spésial atanapi fine robusta nembé dina kisaran 10 persen, 90 persen sésana nyaéta kopi asalan atanapi kopi anu kualitasna standar.” Saur Tarli.

Salianti éta, hamatan lain anu kiwari disinghareupan nyaéta wabah korona. Kopi Cap bueuk anu diwangun ti taun 2012, ku ayana wabah korona omzétna nurun drastis.

“leres ku ayana wabah korona mah, simkuring tiasa ngalaman turun omzét dugi ka 40% tina kondisi anu normal.” Tarli nambahan.

Saupami kondisi sapertos kieu tuluy, kedai kopi anu diwangun ku Tarli bakal bangkrut kusabab pandemi Korona. Sabab kitu, kanggé nyumponan kabutuhan hirup Tarli nganelkeun usaha anu lainna nyaéta dagang siki kopi atawa green bean, kopi bubuk sareng kopi anu tos di bungkus. 

Henteu kur Tarli anu jadi “korban” tina pandemi korona ieu, tapi anu sanés ogé aya dina kondisi anu sami. Timimiti patani kopi dugi ka pangusaha kopi di Pangandaran nasibna sarua. 

Saur Tarli, seueur pisan kedai-kedai di pangandaran anu tiiseun, nepi aya ogé anu teu aya pangunjung pisan anu dongkap. Kondisi ieu supléi barang (kopi) ka konsumén ogéjanten kahambat, harga kopi jadi ngilu turun jadi Rp. 15.000 anu awalna Rp. 18.000.

Kaayaan anu kieu, maksa patani sareng padagang kopi di Pangandaran kedah milari pagawéan anu lain, saperti buruh tani, tukang pangul kai jeung sajabana.

Tarli miharep ka pamaréntah supaya tiasa masihan perhatianna kanggé para patani sareng padagang kopi di Pangandaran, sabab kumajuna patani sareng padagang kopi tiasa nambihan pendapatan kanggé kas daérah. Ditambah deui ningkatna kualitas kopi di Pangandaran tiasa dijadikeun kaunggulan pikeun Pangandara, Salasa (28/7/2020).