Persiapan PON Papua, Tim Sépak Bola Pelatda Jabar Agendakeun Uji Coba – Wasunda

Manejer tim sepak bola Jawa Barat, Erwan Setiawan nalika ngalaksanakeun wawancara jeung sababaraha wartawan olahraga, Minggu (02/08/2020) (foto : Erwin Snaz)

Bandung – Tim pelatda sépak bola Jawa Barat nu disiapkeun pikeun Pekan Olahraga Nasional (PON) XX/2021 Papua, bari ngalaksanakeun pertandingan uji coba nu munggaran. Eta hal diiberkeun ku Manajer tim sépak bola Jabar, Erwan Setiawan, Senin (03/08/2020).

Erwan nyebutkeun yén rencana pelaksanaan pertandingan uji coba ieu baris dilaksanakeun dina bulan Agustus ieu di Sumedang. Nanging ngeunaan tanggal jeung lawan nu baris di adukeun masih kénéh ditéangan. 

Salila aya dina mangsa tatahar, tim sépak bola Jawa Barat baris ngalaksanakeun sababaraha kali pertandingan uji coba kalayan lévl lawan nu béda-béda. 

“Ya lers, urang milarian heula lawana kalayan lével anu bertahap. Teu nutup kamungkinan ogé kin baris ngalawan tim anu lévelna leuwih luhur” ceuk Erwan. 

Erwan ogé nétélakeun yén salian ti pertandingan uji coba, jajaran pelatih ogé geus nyusun program latihan kaasup pamuseuran latihan di luar Bandung. Rencanana, tempat nu baris dipilih pikeun jadi tempat latihan mangrupa daérah nu miboga hawa panasa saperti Indramayu jeung Pangandaran.

Dipilihna daérah kalayan hawa anu panas, dilakukeun salaku bagian tina prosésés aklimatisasi, sabab ngkéna di PON Papua hawa nu baris disanghareupan mangrupa hawa nu kawilang panas sarta para pamaéna ogé kudu bisa saganacangna adaptasi. 

Erwan nu ngajabat ogé salaku Wakil Bupati Sumedang ieu nétélakeun yén tim sépak bola PON Jabar ngarasa kabeuratan ku ayana aturan pangurangan pamaén, nu asalna 26 pamaén ngan jadi 23 pamaén. 

“Sakuduna mah ulah gancang dikurangan jumlah pamaéna, sabab pelaksanaan PON di Papuan na ogé masih kénéh satau deui. Tapi umpamana lamun KONI Jabar tetep hayang ngayakeun pangurangan pamaén, simkuring sareng tim baris milarian sponsor pikeun ngabiyayaan pamaén nu henteu ditanggung ku KONI Jabar” ceuk Erwan. 

Tim pelatda sépak bola Jabar sorangan geus ngalakukeun deui latihan ti saprak 9 Juli 2020 mula sanggeus saacana para pamaén kudu ngalakukeun latihan mandiri salila kurang leuwih 3 bulan sabab ayana sasalad Covid-19. 

Di awal latihan, para pamaén sépak bola Jawa Barat masih kénéh meunangkeun matéri kalayan inténsitas matéri latihan anu sedeng. Sabab, maranéhna ngabutuhkeun waktu pikeun adaptasi sarta ningketkeun kondisi fisikna séwang-séwangan. Sanajan kitu tim pelatda sépak bola Jabar geus Siap tandang makalangan boh di laga uji coba atawa dina laga PON anu saenynana.

Penulis : Rizal Firdaus