Pemkot Cimahi Ningkatkeun Razia Protokol Kaséhatan!! – Wasunda

Foto: situs resmi Pemkot CImahi

Cimahi statusna ayeuna nyaéta zona konéng level kawaspadaanna di Jawa Barat. Dumasar ti situs resmi Pemkot Cimahi, Pa Ajay salaku Walikota sareng Pemkot Cimahi ningkatkeun razia protokol kaséhatan supados kota Cimahi aman ti kagiatan di new normal ieu.

“Kami teterasan nyosialisasikeun ka wargi Kota Cimahi yén pandemi ieu ta acan réngsé. Memang tos balik deui ku sababarahiji kagiatan, tapi protokol kasehatan wajib dilaksanakeun,” saur Walikota Cimahi Pa Ajay nu dikutip sareng disunting kana basa Sunda ti situs resmi Pemkot CImahi (11/7/2020).

Pa Ajay gé ngingetan wargi soal karumunan. Tong bosen nganggé masker di mana waé, jaga jarak pastina, teras ngingetan soal angkot nu kedah netepkeun jumlah panumpang. Pami ta acan aya nu gaduh masker ngkin diédukasi sareng dipasihan masker nu kedah dianggé.

“Warga teu kénging ngurumun. Nganggé masker sareng jaga jarak, pami aya nu teu nganggé masker ngkin diedukasi sareng dipasihan masker nu kedah dianggé. Angkot kedah displin netepkeun jumlah panumpang. Protokol kaséhatan ieu kedah janten kabiasaan nu ngkinna jadi budaya,” saurna.

Anjeunna gé nyarios yén karumunan nu rawan teras kedah diantisipasi nyaéta pasar kaget sareng pasar tumpah. Supados ékonomi di Cimahi angger jalan ku syareat Covid-19 tetep dikendalikeun.

Poténsi rawan karumunan kami antisipasi sapertos di pasar tumpah sareng pasar kagét. Supados ékonomi tetep jalan tapi Covid-19 kedah dikendalikeun,” saurna.

“Urang ningkatkeun sadaya pihak supados kagiatan téh tetep ngagunakeun protokol kaséhatan,” lajengna.