Pémkot Bandung Ngingetan Masyarakat Supados Nurut ka Protokol Kaséhatan Solat Ied énjing – Wasunda

Foto: humas.bandung.go.id

Sateuacan parayaan Iduladha 1441 Hijriah, Pemerintah Kota (Pémkot) Bandung ngingetkeun deui wargana kanggo angger ngalaksanakeun protokol kaséhatan kanggo Solat Ied dinten énjing. Pémkot Bandung gé tos ngaluarkeun surat édaran ngeunaan panyalanggaraan solay Ied sareng meuncit sato kuran.

Dumasar ti situs resmi Humas Kota Bandung, Odéd M. Danial salaku Wali Kota Bandung nyungkeun ka para umat muslim di Bandung angger nerapkeun protokol kaséhatan.

“Mangga lakonan solat Ied berjamaah, tapi angger kedah nerapkeun protokol kaséhatan,” saur Mang Odéd, dikutip sareng disunting kana basa Sunda ti situs resmi Humas Kota Bandung (29/7/2020).

Yana mulyana salaku Wakil Wali Kota Bandung nyarios ogé ngeunaan para umat islam kedah nganggo standar  protokol kaséhatan nalika solat Ied, ogé ieu sasuai sareng surat édaran ti Majelis Ulama Indonésia (MUI) sareng Kementerian Agama (Kemenag).

“Kami tos ngaluarkeun surat édaran. Ieu ogé ti MUI ogé sareng Kemenag, jadi nurut baé,” saur Yana.

“Asal standar protokolna nu ketat. Sapertos nganggo masker sareng jaga jarak,” lajengna.

Dina surat nomer 451/SE-102.Bag.Kesra kaping 15 Juli 2020, diatur yén unggal gelaran salat Ied wajib ngalaksanakeun protokol kaséhatan. Di antawisna, pami solat dilaksanakeun di masigit, ku kituna mung kénging diiringan ku kirang langkung 50 persén jamaah ti kapasitas masigit.

Teras pami solatna dilaksanakeun di lapang, jarak jamaah kedah kirang langkung 1 méter. Salian éta, para panyalanggara gé wajib nyadiakeun fasilitas kanggo wawasuh pananganan, sabun, sareng hand sanitizer. Ogé aya pangecékan suhu di payuneun lokasi.

Pas solat sareng khotbah, palaksanaanna kedah dipersingkat kalayan teu ngurangan syarat ogé rukunna. Panyalanggara ogé dilarang kanggo ngurilingkeun kotak sodakoh/amal margi kanggo nyegah nularna panyakit.

Para jamaah gé wajib mawa alat solat séwang-séwang ti bumina. Teras diupayakeun kanggo teu kontak fisik sareng batur. Kanggo barudak alit sareng nu tos sepuh dianjurkeun kanggo teu ngiring salat Ied berjamaah margina barudak alit sareng sepuh téh rentan dina panularan panyakit.

Teras kanggo para mustahik, yana nyuhunkeun kango cicing di bumina baé, ngantosan kiriman daging kurban nu dipasih ku panitia.

“Nalika meuncit ulah aya karumunan. Mustahik ogé cekap cicing di bumi, ngkin dianterkeun ka bumi séwang-séwang,” saur Yana.