Pémkab Purwakarta Ngalarang Aya Hiburan Agustusan – Wasunda

Foto: diskominfo kab. Purwakarta

Pémkab Purwakarta dugi ayeuna nuju nyiapkeun hiji édaran anyar nu kedah dijalankeun ku sadaya lapisan masarakat di Purwakarta. Ayeuna mah, aya kakaitna sareng kagiatan hiburan agustusan nu biasa digelar ku masarakat dina ngarayakeun Hari Ulang Tahun (HUT) ka-75 Kamerdékaan Indonésia.

Dumasar ti Diskominfo Kabupaten Purwakarta, Anne Ratna Mustika salaku Bupati Purwakarta nyarios yén dugi ayeuna wabah Covid-19 masih nyerang dunia. Ku kituna, jelas teu saé pami masarakat masih ngagelar kagiatan nu bisa ngondang seueur massa di situasi jiga kieu.

Ku kituna, pihakna masih terang masarakat kanggo teu heula ngagelar hiji acara nu bisa ngondang karumunan.

“Kanggo kagiatan hiburan Agustusan teu kénging heula. Margi, pasti ngondang karumunan massa. Kami bakal gera ngadamel édaranna. Ngkin édaran ieu bakal langsung disebar ka unggal Kecamatan sareng Désa supados gera disosialisasikeun ka masarakat,” saur Ambu Anne, landian Bupati Purwakarta, dikutip ti Diskominfo kabupatén Purwakarta (4/8/2020).

Anjeunna nyungkeun ka sadaya lapisan masarakat kanggo ngiring andil dina upaya panyegahan sareng antisipasi panyebaran Covid-19 di wilayah ieu. Sanes teu aya alesan, dimana dugi ayeuna panyebaran virus corona masih ngaprihatinkeun pisan. Nu jadina kedah waspada.

Ku kituna Anne gé miharep masarakat tiasa tekad babarengan kanggo ngalakukeun upaya antisipasi sareng ningkatkeun kawaspadaan. Hal ieu kanggo kahadéan umum. Pihakna gé miharep, sadaya lapisan masarakat kanggo angger guyub kanggo nguatkeun koordinasi nyegah panyebaran Covid-19 ieu ku ngalaksanakeun sababaraha katangtuan sasuai arahan pamaréntah.

Anne nambahkeun yén dina upaya panyegahan kalebet megatkeun mata rantai panyebaran Covid-19 ieu butuh kerja sama sadaya lapisan masarakat. Sajauh ieu, pamaréntah terus ngalakukeun sababaraha uoaya kanggo ngaminimalisir panyebaran virus ieu. Salah sahijina ku ngadorong panerapan Adaptasi Kebiasaan Baru (AKB/Adaptasi Kabiasaan Anyar).

Salah sahiji upaya nu dilakukan pamaréntah nyaéta salah sahijina nyungkeun ka sadaya lapisan masarakat kanggo ngagunakeun masker nalika ngalakukeun aktifitas alami masa tanggap corona. Aturan ieu gé kedah dijalanjkeun ku sadaya pagawé di lingkungan pamaréntahan tanpa alesan.

“Dina upaya antisipasi ieu, sadaya pihak tanpa kecuali kedah ngiring terlibat kanggo ningkatkeun kawaspadaan. Salah sahijina ku teterusan nganggor masker salami ngalakukeun akifitas di luar,” pungkasna.