Pelatih Pérsib Bandung Kénging Serangan Jantung – Wasunda

Pelatih Pérsib Bandung, Robert Rene Alberts kénging serangan jantung dinten Salasa kaping 21 Juli 2020 tengah wengi kamari. Kondisi pelatih asal Walanda ieu ayeuna tos stabil saatos ngalakonan palakuan médis ogé parawatan di Rumah Sakit Borromeu, Bandung.

Dumasar ti situs resmi Pérsib Bandung. M. Rafi Ghani salaku dokter Tim Pérsib ngajelaskeun yén sateuacan kenging pananganan ti rumah sakit. Robert sempet ngeluh nyeri dada kiri ogé singsireumeun di panangan kiri-na. sadinten saacan keuna serangan jantung, anjeuna tos ngahubungi Rafi kanggo hoyong terang naon panyabab nyeri di dada kirina. Dinten éta ogé palatih ngalakonan pamariksaan.

Pelatih PERSIB Robert Alberts mengalami serangan jantung pada Selasa 21 Juli 2020 dini hari lalu. Kondisi pelatih asal Belanda itu kini sudah stabil setelah menjalani tindakan medis dan perawatan di Rumah Sakit Borromeus, Bandung.

“Dinten senén abdi sareng coach (Robert) langsung ngalakukeun pamariksaan margi naon nu dikeluhkeun téh ciri-ciri gejala awal gangguan jantung. Saatos pamariksaan éléktrokardiografi atawa EKG di dokter spésialis jantung, harita ogé hasilna saé,” saur Rafi, dikutip ti situs resmi Pérsib Bandung (24/7/2020).

“Saatos pamariksaan éta disarankeun kanggo pamariksaan lanjutan. Rencana Salasa (22 Juli 2020) tabuh 8 énjing, kanggo pamariksaan CT Scan jantung margi dinten senén pinuh. Mung, tabuh setengah lima subuh abdi kénging kabar coach serangan jantung teras dibawa ka RS Borromeus,” lajengna.

Saatos kénging pamariksaan, Robér kénging gejala panyakit jantung koronér. Tim médis langsung ngalakonan tindakan kirang langkung sajam satengah kanggo ngajalanan operasi pamasangan kateter (balon) ogé pamasangan ring dina jantungna.

“Dipasang tilu balon sareng hiji ring. Alhamdulillah saatos observasi kamari hasilna saé, dugi ka ayeuna ogé jauh langkung saé ogé tos pindah ka rohangan. Pami ninggal hasil sacara umum dugi ka ayeuna, énjing gé tos tiasa uih,” saurna.

Ku kituna, Robert ayeuna ngaku kondisi kaséhatanna tos jauh langkung saé saatos kénging parawatan médis di rumah sakit.

“Abdi tos langkung jagjag ayeuna,” saur pelatih asal Walanda

Dumasar rencanana, dinten ieu kaping 24 Juli pelatih bakal uih ti rumah sakit. Mung, masih aya tahapan nu masih kedah dilakonan sateuacan tiasa ninggalkeun rumah sakit.

“Dinten ieu lancar, ngalakonan kagiatan di rohangan kanggo ninggal kondisi otot jantung,” saurna.