Paningkatan Panumpang Angger Kedah Nurut Ka Protokol Kaséhatan – Wasunda

Foto: infopublik.id

Pergerakan panumpang transportasi umum di mangsa Libur Iduladha 2020 di sajumlah simpul transportasi sapertos di terminal, stasion, bandara, sareng palabuan kapantau naék dibanding dinten biasa.

Sateuacanna Keménhub tos ngaprédiksi bakal aya paningkatan panumpang di hari Raya Kurban ieu margi aya di dinten Juma’ah 31 Juli 2020, nu hartosna aya libur panjang akhir pekan (long weekend).

“Dumasar pantauan kami, sajumlah paumpang transportasi umum jadi ningkat dibanding dinten biasana. Kami nyungkeun ka para operator transportasi sareng penumpang supados angger disiplin kanggo [atuh ka protokol kaséhatan kanggo nyegah panularan Covid-19 dina transportasi umum,” saur Juru Bicara Kementerian Perhubungan Adita Irawati, dikutip ti situd infopublik.id (3/8/2020).

Dumasar infopublik.id, paningkatan jumlah panumpang aya di Bandara Internasional Soekarno-Hatta (Soetta) sakitar 16 persén dibandingkeun dinten biasa. Dinten Kemis ping 30 Juli 2020 jadi puncak pergerakan panumpang nyaéta dugi ka 37 rébu leuwih panumpang. Paningkatan jumlah panumpang kapal sadintenna ningkat saseueur 13 persén.

Salian éta, karéta api gé ngalaman paningkatan panumpang, dimana total panumpang KA jarak jauh di 11 KA nu dioperasileun ti Stasion Gambir sareng Pasar Senén ka sababaraha jurusan di dinten Kemis dugi ka 3.958 panumpang ti saseueur 4385 tempat calik nu disadiakeun ku PT KAI.

Kanaékan jumlah panumpang gé aya di angkutan panyebrangan. PT ASDP nyutat jumlah total panumpang nu nyebrang ti Merak ka Bakauhéni dinten Kemis énjing dugi ka Jumat énjing kacatet saseueur 46.688 urang atawa naék 147 persén dibandingkeun réalisasi période sami Iduladha taun sateuacanna nu saseueur 31.677 urang.

Ogé di terminal beus Pulo Gebang, Jakarta, dimana aya lonjakan panumpang saacan Iduladha, nu biasana mung ngankut ratusan panumpang sadintenna, dinten Rebo kaping 29 Juli 2020 ngalaman paningkatan dugi ka 1.200 langkung panumpang per dinten.

“Ku ayana paningkatan panumpang boh di darat, laut, udara, sareng karéta api di hari raya Iduladha ieu, di hiji sisi ningalikeun yén masarakat tos mulai percanten kanggo ngagunakeun transportasi umum, tapi di sisi sanés kami salaku régulator transportasi sareng para operatot transportasi bakal terus ngalakukeun pangawasan kanggo mastikeun protokol kaséhatan angger dijalankeun sasuai komitmen kami kanggo nyiptakeun transportasi aman sareng séhat,” saur Adita.