Pamajikan Dicekék Ku Salaki Nepika Maot Saenggeus Pesta Oplosan – Wasunda

sumber foto: detik.news.com

Kabupaten Garut – FN wanoja yuswa 17 taun urang Kampung Maleer, Desa Sukasenan, Kacamatan Banyuresmi, Kabupaten Garut, maot gara-gara salakina sorangan SS (20) . FN maot di cekèk ku salakina dina poè Rebo (22/7/2020).

Dumasar news.detik.com (23/7/2020), Kajadian maotna FN nyaèta di Kacamatan Banyuresmi, Rebo janari, tabuh 01.30 WIB. “ Pangakuan semestawis ti palaku, korban disurungkeun jeung dicekèk dugi ka maot,” Sanggem Kasubbag Humas Polres Garut Ipda Muslih Hidayat.

Kajadian èta ngawitan pas FN sareng SS pesta miras babarengan dina poè Salasa peuting (21/7). Duka naon nu janten sebabna nu ngajantenkeun duanana parasea. Kasat Reskrim Polres Garut AKP Maradona Armin Mappaseng ngalereskeun hal èta.

“Salasa wengi kintena tabuh 21.30 WIB, palaku nu inisialna SS sareng korban pesta miras oplosan sasarengan,” sanggem Maradona ka wartawan news.detik.com

Korban sareng palaku pacèkcok dina kaayaan pangaruh mabok miras oplosan 

“Duanana silih pacèkcok dugi ka aya aksi pembunuhan,” Sanggem Kasar Reskrim AKP Maradona Armin Mappaseng dina news.detik.com (23/7/2020).

Maradona nguningakeun yèn dumasar kana katerangan SS, miras oplosan èta eusina alkohol 70 persen dicampur ku minuman berenergi. 

Kronologi kajadian nyaèta palaku sareng korban nu masih dibawah umur pesta alkohol 70 persen nu dicampur ku minuman energi nu kajentanana di kampung Maleer Salasa (21/7) Wengi. Teras, sanggem Plh Pupuhu Sub Bagèan Humas Polres Garut Ipda Muslih Hidayat nguningakeun ogè dina ANTARA yèn cèkcok korban jeung palaku tèh kulantaran palaku mènta cerai, namung korban nolak. Dina pangaruh oplosan èta, korban nangkeup palaku, tapi palaku kalah nyuntrungkeun sareng nyekèk korban dugi ka maotna.

FN maot langsung di lokasi. Warga nu mendakan kajadian èta langsung nyandak mayitna ka RSUD dr.Slamet Garut. Palaku teu lami ti èta langsung diringkus ku polisi.

Kasus èta ayeuna nuju di tangani ku Satreskrim Polres Garut. Polisi ngamankeun sababarahan barang buktos, salah sahijina botol nu eusina minuman keras oplosan. Kemis, (23/7/2020).

Editor : Muhamad Hasanudin