Oknum PNS Cabul Nèang mangsa Dina Facebook – Wasunda

Foto: baskomnews.com

Kabupaten Karawang- Polres Kabupaten Karawang nèwak oknum pagawè negeri sipil Pamarèntah Kabupatèn Purwakarta, Jawa Barat. Kusabab diduga ngalakukeun cabul ka budak dihandap umur. 

 “Palaku nu nyabulan bocah nu dihandap umur ieu nyaèta oknum PNS nu digawè di Dinas Kasehatan Purwakarta,”Sanggem Wakapolres Karawang Kompol Faisal.

Dumasar ANTARA (17/7/2020), Faisal nguningakeun yèn  oknum PNS ieu tos ngalakukeun pencabulan ka budak di handap umur ti taun 2017. Palaku ngaku yèn aya lima budak nu jadi korban anjeuna.

Aksi bejad oknum PNS nu inisial na Spd (44) eureun saprak penyidik Unit PPA Satreskrim  Polres Karawang ngungkapkeun kasus cabul budak di handap umur èta.

Dikutip tina ANTARA, Wakapolres ngadugikeun palaku ngalakukeun tindak pidana pencabulan ka budak dihandap umur anu dikenal ku anjeuna dina akun media sosial facebook. Saatos kenal ti dunia maya, palaku ngajak pendak ka korban-korbana. Palaku ngajak korban ka rumah makan, maèn time zone teras masihan artos. Saatos kitu Oknum PNS èta ngajak korban nu kahiji inisialna DV ka toilet Pasar Cikampek kangge ngalakonan aksi na.

Lima budak nu janten korban tindak pidana pencabulan oknum PNS èta diantawisna nyaèta DV (16), IG (16), SF (15), BS (13), sareng AN (17). Lima korbana mangrupikeun warga kacamatan Cikampek.

Wakapolres dina ANTARA nguningakeun yèn kawitna palaku jeung korban saleresna teu saling uninga. Kukituna patugas kapolisian kantos  ngaraos sesah dina upaya penyelidikan, sareng deui korban mung uningan kana motor palaku sareng plat nomerna. Tina proses penyelidikan, pihak kapolisian langsung ngecek nomer polisi motor palaku di Samsat. Saatos kitu kapendak identitas palaku na teras langsung ngalakukeun penyelidikan.

“Akhirna palaku di tèwak di Pasar Cikampek, kangge barang buktos nu disita diantawisna HP, Pakèan korban, kandaraan roda dua nu palaku,” Sanggemna

Palaku ngalakukeun aksi bejad na kulantaran mineng ningali video porno dina internet.

Wakapolres nyebatkeun yèn palaku keuna pasal 82 ayat (1) UU RI Nomer 17 taun 2016 tentang penetapan Perpu Nomer 1 tahun 2016 tentang Perubahan Kedua atas UU RI Nomer 23 taun 2002 tentang perlindungan anak. Ancamana pindana penjara minimal lima taun, maksimal 15 taun sareng denda paling seeur Rp 5 miliar. Juma’ah, (17/7/2020).

Editor : Muhamad Hasanudin