OJOL SA-BANDUNG DEMO, IEU ALESANA – Wasunda

Sumber: ayobandung.com 11.56 WIB

Ojol atawa ojeg online datang ka Balé Kota Bandung jang ngalakukeun démo, akibat tina kajadian éta sababaraha jalan karasa macétna ti isuk kénéh. Rébuan tukang ojég online ieu datang kompak maraké jékét warna hejo hideung. Tukang ojég online ieu geus daratang ti jam 09.00 WIB, senén (13/7/2020).

Saperti biasa lamunaya démo-démo saperti kieu, patugas kaamanan ti kapolisian geus siap ngajaga Balé Kota Bandung supaya henteu kajadian anu matak ngarugikeun kapentingan loba. Lain éta wungkul, pihak pulisi ogé kudu ngamankeun jalan anu kaganggu ku kagiatan démo ieu, anu ahirna inisiatif buka tutup jalan.

Masarakat anu awam jeung teu apal aya démo ieu kahéranan, sabab méré akibat anu macét pisan. Sababaraha jalma anu pesen ojol ogé keuna imbasna, sabab ditolak ku tukang ojolna anu keur démo. Tapi sabalikna ti kitu, tukang jual asongan anu biasana teu pati kumaha anu jajan ka manéhna ku aya kagiatan ieu tukang ojol remen meuli barang ti manéhna.

Kagiatan démo ieu mémang lain kagiatan dadakan, kagiatan ieu geus direncanakeun. Dina media sosial ogé geus ramé ti poé kamari (12/7). Masarakat anu geus apal bakal aya kagiatan démo ieu maranéhna gues apal jalan mana waé anu bakal ditutup atawa néangan jalan motong supaya teu telat ka tempat tujuan.

Beuki beurang, tukang ojol beuki loba anu datang. Hampir 5000 urang tukang ojol turun ka jalan, ngabéwarakeun hal anu sarua.

Dina kasempetan ieu, Driver Online Jawa Barat Bersatu téh mawa aspirasi salah sahijina ngeunaan kapastian aktivasi layanan go-ride jeung grab-bike. Saur koordinator aksi, Kang Syarif ngabéwarakeun yén pamaréntah atawa Go-jek jeung Grab Bike acan waé méré kapastian aktivasi eta.