Nyaneut, Cara Nga’Téh Urang Garut – Wasunda

Cuaca Garut anu tiris, kantenan saupami nyorang wengi geus jadi hal anu lumrah lamun masyarakat Garut osok ngalakukeun nginum téh sabari ngawangkong perkara tatanén atawa perkara kahirupan. Nyaneut geus dilakukonan ku kolot urang Garut ti jaman baheula, kusabab parobahan jaman jeung gaya hirup ngajadikeun budaya nyaneut ieu dianggap kabiasaan anu katingaleun jaman.

Lamun ku urang seug di teuleukeuman tina mimiti sajarah jeung harti, singhoréng nyaneut téh jadi salah sahiji budaya atawa kabiasaan anu kalintang hadé.

Tina sisi sajarah, budaya nyaneut ieu geus dilakonan ti taun 1728. Kabiasaan ieu mimitina diinisiasi ku Wali Songo sateu acan ngalaksanakeun dakwahna. Timimiti masarakat biasa nepi ka para inohong waktos harita sarua ngalakonan budaya nyaneut. Jadi teu anéh lamun diwilayah Bandung, Sukabumi, Cianjur, Bogor jeung wilayah anu boga kebon téh lainna ogé aya tradisi nyaneut sabab dibawa ku para wali pas nyebarkeun ajaran agama.

Aya sababaraha alesan naha budaya nyaneut ieu diidentikeun jeung daerah Garut. Salah sahijina kusabab Garut jadi komoditas utama téh di pulau Jawa sakaligus anu ngirim téh ka Eropa waktu jaman Belanda.

Nyaneut boga harti, nyaéta ngaraketkeun duduluran atawa silaturahmi. Biasana dilakukeun ngariung diburuan imah sabari dibaturan ku kulub hui, beuleum sampeu, kulub suuk atawa anu lainna. Waktu jaman baheula, nyaneut biasana dilakukeun isuk-isuk saacan indit kasawah sabari moyan atawa peuting saréngséna balik ti masigit/tajug.

Ku jaman kiwari, nyaneut ieu jarang dilakonan. Anu pada ahirna dijadikeun festival nyaeut dina waktu sataun sakali. Pemkab Garut geus nganjadikeun nyaneut ieu program wajib pamarentah, anu tujuannana ngamumulé budaya daérah.

Editor : Muhamad Hasanudin