Nyalip Toronton, Supir Ojeg Online Kalindes Dugi Ka Maot di Tempat – Wasunda

Foto : tribunJabar.id

Azis Munawar (28), supir ojeg online Kampung Cinangsi, Desa Rajadatu, Kacamatan Cineam, Kabupaten Tasikmalaya, maot kalindes truk toronton di Jalan RE Martadinata, Kota Tasikmalaya, Senèn (27/7/2020) wengi.

Dumasar TribunJabar.Id (28/7/2020) Sateacana Azis nganggè motor na maju ti arah Jati ka Mitra Batik sareng kaleresan teu nyandak panumpang, anjeuna nyalip toronton nu nomor polisina Z 9190 MM.

Pas nuju nyalip, ti arah berlawanan datang motor lain nu arèk meuntas. Nu akhirna tabrakan antawis motor sareng motor. Azis sareng motorna ngagubrag ka belah kenca, awakna asup kana kolong truk, dugi ka awakna kalindes ban pengker truk. Korban langsung maot di tempat, kondisi mastaka na ancur.

“Korban maot di lokasi kajadian, kondisi mastaka luma parah kalindes ban pengker truk toronton,” Sanggem Kanit Lakalantas Polresta Tasikmalaya, ipda Zenzen Zaenal, di Mapolres, Salasa (28/7/2020).

Kajantenana Senèn Wengi(27/07/2020) kintena tabuh 21.00 WIB, nu dimana Azis Munawar maot kalindes truk toronton pas sateacana kantos nyèrèmpèt motor ti arah berlawanan.

“Korban nu maot di lokasi kajadian nyaèta supir ojèg online namina Azis Munawar (29),” Sanggemna

Zenzen Zaenal dina kabar-priangan.com (28/7/2020) nguningakeun yèn kajantènan èta dikawitas pas Azis nuju nyupiran ojèg online merk motor nu dianggè na nyaèta Yamaha Jupiter MX, motor na maju ti belah kulon . Pas di lokasi kajadian, korban bade nyalib truk toronton Hino nomer polisi Z 9791 MM.

Sementawis èta, supir truk toronton. Deni (41) nyarioskeun yèn anjeuna ninggal korban nyalip toronton  nu disupiran ku anjeuna ti pengker. 

Patugas langsung mawa korban ka RSU dr Soekardjo, Suasana duka langsung karaos di Kamar Mayat pas perwakilan kaluarga korban ti Cineam datang ka lokasi.

“Kaluarga teu nyangki bakal aya musibah sapertos kieu. Ènjing- ènjing Azis nyungkeun widi ka kaluarga bade angkat damèl pas Azis angkat teu aya firasat naon-naon. Allah nakdiekeun sapertos kieu,” Sanggem Dedi, salah sahiji anggota kaluarga.