Nolak Omnibus Law Mahasiswa Sukabumi Demo Di Gedung DPRD Kota Sukabumi – Wasunda

Foto: jabar.tribunnews.com

Mangratus mahasiswa ti mangrupa-rupa organisasi mahasiswa ngadatangan Gedung DPRD Kota Sukabumi kanggè nuntut sangkan RUU Omnibus Law atanapi RUU Cipta Kerja dibatalkeun.

Dumasar laporan lapangan Tribun, sateacan ngadatangan Gedung DPRD kota Sukabumi mangratus masa ngarumpul di Lapangan Merdeka Kota Sukabumi tabuh 09.00 WIB, Kemis (16/7/2020).

Kintèn-kintèn tabuh 10.30 WIB masa mulai long march  ka Gedung DPRD Kota Sukabumi kanggè nolak RUU Omnibus Law, Mapolres Kota Sukabumi ngawal ketat kagiatan aksi mahasiswa.

Pas dugi ka Gedung DPRD, mangratus mahasiswa timangrupa-rupa kampus di Kota Sukabumi ngayakeun aksi teatrikal di payuneun panto gerbang Gedung  DPRD Kota Sukabumi.

Ngutip tina jabar.tribunnews.com saatosna teatrikal ku saurang mahasiswa. Sajumlah wawakil ti organisasi mahasiswa langsung ngalakukeun orasi dumasar aksi penolakan RUU Omnibus Law.

Juru wicara Aliansi Sukabumi Bergerak Anggi Fauzi  nyebatkeun dina sukabumiupdate.com (16/7/2020) yèn penyusunan RUU Omnibus Law ieu teu seeur ngalibatkeun masarakat. Mahasiswa hoyong supados RUU Cipta Kerja ieu tiasa dibahas langkung detail sareng seeur ngalibakeun masarakat.

“Mahasiswa datang ka Gedung DPRD Kota Sukabumi ngatas namikeun rakyat,  kanggè nola RUU Omnibus Law nu ayeuna teras di godog ku DPR RI. Kukituna mahasiwa bakal terus ngayakeun aksi nolak RUU Omnibus Law.” Sanggem salah saurang mahasiswa dina orasi na.

Wanci tabuh 12.00 WIB masa ngedeseuk sajumlah anggota DPRD kaluar sangkan tiasa nepangan para mahasiswa aksi. Mahasiswa ogè ngadesek sangkan DPRD Kota Sukabumi ngaluarkeun pernyataan di ruangan Gedung DPRD.

Mahasiswa ngaraos kecèwa sabab tina aksi ieu mung sauukur pendak saurang DPR RI, drh Slamet dapil Kota sareng Kabupaten Sukabumi. Padahal anggota DPR RI ti dapil Sukabumi aya 6 jalmi.

“ Ngaapresiasi mahasiwa nu nyuarakeun aspirasi masarakat. Salah sawios na nyaèta hadir dinten dina dinten ayeuna. DPR RI nu teu hadir pribados teu uninga. Pribados hoyong ngadugikeun, sacara Pribadi sareng fraksi yèn RUU ieu memang kedah ditolak,” Sanggem Slamet dikutip tina sukabumiupadate.com, Jumaah, (17/7/2020).

Slamet ngadugikeun yèn RUU cipta kerja ayeuna nuju dalam proses pembahasan di Badan Legislasi (Baleg) DPR RI. Jumah, (17/7/2020).

Editor : Muhamad Hasanudin