Ningkatkeun Minat Maca Pemkab Pangandaran Ngawangun Perpustakaan Total 30 Miliar – Wasunda

Foto: quipper.com

Kabupaten Pangandaran- Bupati Pangandaran Jeje Wiradinata ngaletakeun batu pertama tanda diwanguna Perpustakaan di Kabupatèn Pangandaran. Wangunan Perpustakaan ieu lokasina di Desa Sukaresik, kacamatan Sidamulid, Kabupatèn Pangandaran. Tina sambutana Jeje nguningakeun prinsip dasar wangunan èta  nyaèta mangrupikeun hiji kabutuhan sanès sauukur kahoyong saatos pasoalan-pasoalan dasar berèsna di wangun.

Dumasar pikiranrakyat.com (14/7/2020) Jeje nguningakèn yèn Jalan, jembatan, puskesmas, rumah sakit, atos rèngsè diwangun janten ayeuna pamarèntah ngembangkeun hiji kabijakan nu tos aya, diantawisna pendidikan nu peryogi perpustakaan anu representatif. Sabab, masarakat Pangandaran ogè peryogi tempat kanggè milarian èlmu, kukituna dina taun ayeuna diwangun perpustakaan nu totalna nyèèpkeun 30 miliar. Èta mangrupikeun bantosan ti Pamarèntah Provinsi Jawa Barat, nu diwanguna sacara bertahap. 

“Taun ayeuna diwangun 17 miliar heula, sèsana taun payun janten kapayuna tiasa sampurna sareng berjalan lancar.” Sanggem Jeje.

Pupuhu Dinas Perpustakaan sareng Kearsipan Pangandaran Tatang S Praja nambihkeun, yèn lahan anu dianggè kangge perpustakaan tèh lega na dugi 1 hektar.  Teu wangunan perpustakaan hungkul tapi kin ogè bakal aya sababaraha fasilitas diantawisna taman jeung sajabana. Rebo, (15/7/2020).

Editor : Muhamad Hasanudin