Ngajual Sato Kurban Langkung Saé Pami Online – Wasunda

Foto: Pemprov Jawa Barat

Panerapan protokol kaséhatan ogé perlu dilaksanakeun dina prosés ngical sato kurban. Éta saur Gubernur Jawa Barat, Mochamar Ridwan Kamil, saatos ngaleupas tim pamariksaan kaséhatan sato kurban Jabar liwat virtual di Gedung Pakuan, Kota Bandung, Kemis kaping 16 Juli 2020.

Dumasar ti situs resmi Pemprov Jabar. Gubernur Kang Emil ngarekoméndasikeun, supados proses icalan sato Kurban di masa pandemic Covid-19 ieu téh dilakukeun liwat daring atanapi online sangkan nyegah karumunan ogé neken poténsi panularan Covid-19 di Jawa Barat ieu.

“Jual beli ogé kedah touchless atanapi tanpa sentuhan, janten pami tiasa ayeuna mah méserna online waé. Syaréatna kacapai, ogé arurang teu nyabak piahk sanés. Tradisi ieu kedah diwangun dina kaayan situasi Covid-19 ieu,” saur Kang Emil nu dikituip ogé disunting kana basa sunda tina situs resmi Pemprov Jabar (17/7/2020).

Saur Gubernur, masih aya waktos 14 dinten deui kanggo ngadamel kampanye ngagaleuh online di unggal kabupaten/kota di Jawa Barat ku cara ngahubungi nu ngicalna supados tiasa liwat online dina proses ngical sato kurban, minimal liwat aplikasi WhatsApp waé mah.

“Kami nyuhunkeun icalan sato kurban dilakukeun di tempat kabuki ogé luas. Salian éta, kanggo nyegah karumunan, meuncit sato kurban dilakukeun bertahap, kusabab palaksanaan meuncit sato tiasa dilakukeun opat dinten di kaping 10, 11, 12, sareng 13 Zulhijas, ogé tiasa ngamaksimalkeun meuncit sato di RPH (Rumah Pemotongan Hewan),” saurna.

Gubernur ge nyarios yén protokol kaséhatan nu ketat kedah diterapkeun pas prosés meuncit sato kurban, mulai ti nganggo masker ogé sarung tangan, boh éta pas meuncit, boh éta pas ngarecah dagingna. Salian ti éta, Gubernur ogé nyarios ulah dugi kasus antraks kaulang sanaos ayeuna tos jarang kajadian. Tapi tetep nu namina nyegah mah dina kaayaan naon waé gé kedah, da kanggo kemaslahatan bersama.

“Urang tingkatkeun kinerja ulah dugi kasus antraks kaulang deui sanos ayeuna tos jarang kajadian. Daging nu bakal dibagikeun ka para mustahik statusna kedah ASUH (aman, séhat, utuh, halal,” saurna