Vaksin Moderna Aman Keur Budak Umur 6-11 Taun

 (ANTARA/Reuters/as)

Wasunda, Warta – Moderna Inc nguberkeun yén vaksin COVID-19 jieunanna téh ngahasilkeun réspons imun nu kuat pikeun budak umur 6-11 taun. Pilihan vaksin COVID-19 keur budak beuki loba sabada dina saacanna Pfizer ogé ngiberkeun hal nu sarupa.

Moderna ngedalkeun dua dosis vaksin COVID-19 keur budak berhasil ngahasilkeun antibodi penetral virus. Sual kaamanan, teu jauh béda jeung hasil uji klinis dina rumaja jeung kolot.

Sanajan kitu, acan dipikanyaho naha Amérika Serikat bakal mertimbangkeun penggunaan vaksin keu budak.

Dumasar kana data interim uji klinik nu ngalibatkeun 4.753 partisipan, Moderna nyebut éfék samping umumna ringan nepi ka sedeng. Éfék samping paling umum vaksin Moderna keur budak ngacakup fatigue atawa lalungsé, muriang, jeung nyeri di tempat suntikan.

Dosis vaksin Moderna nu digunakeun keur budak gedéna 50 mikrogram, satengah tina kakuatan nu dioaké keur kolot jeung sarua siga rékoméndasi dosis keur booster. Dosis ieu 10 mikrogram leuwih gedé tina nu direncanakeun Pfizer keur budak.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *