Terduga Bapa Nyabulan Budakna di Luwu Timur, Laporkeun Mantan Istri Ka Pulisi

Ilustrasi korban kekerasan. ANTARA

Wasunda, Warta – Bapa nu diduga nyabulan tilu budak kandungna di Luwu Timur inisial SA resmi ngalaporkeun mantan isrtina ka pulisi. SA ngaduga mantan istrina geus ngalakukeun tindak pidana ‘pencemaran nama baik’ sakumaha diatur dina UU ITE.

Dumasar kana laporan SA (45) ngalaporkeun yén mantan istrina jeung Project Multatuli ka Direskrimsus Polda Sulawesi Selatan dina 16 Oktober 2021. Pagawé Negeri Sipil ieu ngaduga yén mantan istrina geus nyemarkeun ngaran manéhna liwat kasaksian dina berita nu diterbitkeun média Project Multatuli judulna ‘Tiga Anak Saya Diperkosa, Saya Lapor ke Polisi, Polisi Menghentikannya’.

SA ngaku munggaran nyaho berita ieu ngaliwatan aplikasi WhatsApp ti salah saurang dina tanggal 6 Oktober 2021. Anjeunna nyebut yén berita ieu geus nuduh manéhna salaku erduga palaku pamerkosaan tilu budakna sorangan.

SA kabeuratan ku tuduhan mantan istrina dina berita nu aya. Anjeunna meunteun tuduhan mantan istrina geus nyerang ngaran manéhna jeung kahormatanna.

Anjeunna dipikanyaho pernah dilaporkeun ku mantan istrina sabab diduga nyabulan tilu budak kandungna ka Polrés Luwu Timur, Sulsel dina taun 2019. Namung pulisi ngeureunkeun panalungtikan pikeun laporan ieu sabab ngaku teu miboga cukup bukti.

Kasus ieu muncul deui sabada Project Multatuli ngalaporkeun kronologi kasus ieu dumasar kana kasaksian indung korban dina awal Oktober 2021. Laporan ieu ogé nyita perhatian publik nepi ka tungtungna pulisi nyaliksik deui kasus ieu.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *