Pertamina Mastikeun Gas Élpiji 3 kg di Garut teu Langka

Risal Arsyad (katuhu) jeung Évi Hartaz (kénca). Sumber: antaranews.com

Wasunda, Warta – PT Pertamina jeung Himpunan Wiraswasta Nasional Minyak dan Gas (Hiswanamigas) Garut turun ka lokasi pikeun mastikeun sangkan gas subsidi di pasaran nalika pamilihan kepala désa (pikadés) serentak di Kabupatén Garut saperti nu dihariwangkeun ku masarakat dina média sosial.

“Teu langki, dumasar data masih kénéh cekap, dina hiji wilayah éta seueur pisan agénna,” ceuk Sales Branch Manager Rayon V Bandung PT Pertamina Risal Arsyad nalika jumpa pers di Kantor Hiswanamigas Garut, Salasa.

Risal nyebutkeun salah sahiji conto daérah nu dilaporkeun ayana kalangkaan di Kecamatan Cisompét, sabada di cék do lokasi gas subsidi masih aya di unggal agén jeung pangkalan.

Éta kecamatan, ceuk Risal, meunang jatah pasokan gas subsidi 19.290 tabung unggal bulanna, sedengkeun kabutuhanna pikeun masarakat miskin kurang leuwih 3.800 tabung pikeun kabutuhan rumah tanggana kurang ti saminggu.

“Ku data pasokan kanggo wilayah kidul di Cisompét aya 19.290 tabung, éta hartosna masarakat di ditu masih tiasa mésér tilu dugi opat kali gas subsidi dina sasasihna,”

Risal nyebutkeun yén PT Pertamina tuluy ngaprioritaskeun pasokan pikeun daérah kidul Garut sangkan gas subsidi teu langka di masarakat.

“Pami langki, urang tambihan, tos ditingali ogé ngantisipasi saméméh kajantenan saperti basa Idul Fitri,”

Ayana laporan ti masarakat nu hésé meunangkeun gas sarta ayana agén nu kakurangan stok gas subsidi, nurutkeun Risal, kasusna ngan aya di hiji tempat ogé di hiji agén sarta teu bisa disebut sacara kasaluruhan langka.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *