Pemprov Jabar Nyiapkeun Kadeudeuh Pikeun Atlét nu Nyangking Medali di PON XX Papua

Foto: (ANTARA/HO-Humas Pemprov Jabar)

Wasunda, Bandung – Ridwan Kamil atawa nu biasa sok disebut Kang Emil salaku Gubernur Jawa Barat nyebutkeun yén Pemerintah Provinsi Jabar keur nyiapkeun kadeudeuh pikeun sakum atlét nu nyangking medali di PON XX Papua.

Provinsi Jawa Barat sorangn kaluar jadi jawara umum di PON XX Papua 2021. Numutkeun Kang Emil aya sajumlah stratégi nu diterapkeun pikeun ngapertahankeun gelar jawara umum PON.

“Kahiji, arurang ieu masarakat nu budayana rajin olahraga. Hampir saban waktu jeung tempat réa nu gerak. Éta budaya nu alus. Kadua arurang remen nyieun event pikeun néangan bibit di event éta. Aya Porda jeung sajabana,” ceuk Gubernur Jabar.

Salian ti éta, Pémda Provinsi Jabar miboga Pusat Pendidikan jeung Latihan Pelajar (PPLP) nu jadi salah sahiji tempat nu bisa ngahasilkeun bibit atlét nu miboga poténsi alus.

“Katilu di UPI aya sport science, arurang bakal ngombinasikeun di mangsa kahareupna, pangabisa jeung élmu,” Kang Emil nambahan.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *